tlhIngan-Hol Archive: Tue Sep 22 21:39:23 1998
[Date Prev][Date Next][Thread Prev][Thread Next]
Re: meQlaH je bortaS
ja' peHruS:
>wa' Daq neH qaS wa' mu'tlhegh 'e' vIHar
"I believe that one sentence occurs only one place."
nuqjatlh? chay' qaS mu'tlhegh? chay' vay' qaSlu'?
mujunchu' qechlIj.
>latlh DIp QavDaq mojaQ Segh vaghDIch wIrar
bIlughlaw', 'ach DIch vIghajbe'. <latlh> Dalo'meH meq vIyajbe'.
>vaj {'et 'o' jeDaq} wIghItlhlaH'a'
>HIja'
ghobe'! DIp 'oHbe'bej <je>'e'.
>DIp Qav Delbogh wot 'o'Daq mojaQ Segh vaghDIch wIrar qar'a'
bIlugh. DIp tlha'chugh Delbogh wot, rut wot tlhej DIp mojaq.
>vaj qar mu'tlhegh {wo' DunDaq voDleHma' wItoy'}
qar.
>toH DIp wot ghap 'oHbe' mu' {je}'e'
bIlughtaH...
>'ach Delbogh wot Daq DanlaH mu' {je} 'e' vIHar
qatlh Dochvam DaHar jay'? DIp Delbe' <je>.
>vaj qar je mu'tlhegh {wa' qo' neHDaq qagh Soplu'} 'e' vIHar
bIHarHa'bej. DIp Delbe' je <neH>.
-- ghunchu'wI'