tlhIngan-Hol Archive: Thu Sep 17 12:54:48 1998
[Date Prev][Date Next][Thread Prev][Thread Next]
Re: Klingon Time 2
According to Alan Anderson:
>
> ja' charghwI':
> >maQochbe'chu'. *MercuryDaq* nIb wa' jaj wa' DIS je. tera'
> >qelDI'lu' nI'qu' *Mercury* jaj 'ej ngajqu' *Mercury* DIS.
>
> ngo' De'lIj, jupwI'. rapbe' *Mercury* jaj DIS je.
> cha'logh bavtaHvIS *Mercury*, wejlogh DIng.
chochuHta'mo' qatlho'. Hov SovlIj QaQ law' Hov SovwIj QaQ puS
'e' vISov. vuDlIj vIvuv.
> loS ben teH ngoDHeylIj net Har, 'ach wejmaH vagh ben Qagh lughmoHlu'.
chaq jImIStaH. qaStaHvIS wejmaH cha' DIS QaQ lughmoHlu' 'ach
ngoDvam net buSHa' 'e' DaDellaw'. wejben, wejmaH cha'ben ngoD
buSchoH Hoch, qar'a'?
> jaj DaqelHa'law' je. DIngbe'qu'chugh yuQ, raplaH jaj DIS je.
> 'ach wa'logh bavtaHvIS wa'logh DIngchugh, not mev pem.
'e' vISov. reH pemHovvaD wa' qab 'ang *Mercury* 'e' vIHarpu'.
jIyajHa'pu' DaH 'e' vIHar.
choHtaH ngermey. reH jatlh tejpu': Hoch wIyaj 'ej Hoch wIDel!
wa'Hu' maQagh 'ach DaHjaj malughbej! ghoHarchu'! Dogh no'maj
'ach mavalqu'!
'ach mu'mey nIb jatlhta' no'maj...
> not qaS jajlo'. tera' maS yIqel -- maS chalDaq not vIH tera'.
bIqar, 'ach DIng.
> -- ghunchu'wI'
charghwI'