tlhIngan-Hol Archive: Tue Oct 20 09:40:58 1998
[Date Prev][Date Next][Thread Prev][Thread Next]
Re: Las VegasDaq ghom tlhInganpu'
On Mon, 19 Oct 1998 23:14:49 -0700 (PDT) Alan Anderson
<[email protected]> wrote:
> ja' charghwI':
> >DaH qo'vamDaq Sop Hutlh 'op nuv.
>
> SaH Sojvetlh luHutlhbogh. luSuq 'e' lubot qummey.
chaq DaH teH, 'ach reH maghur 'ej not mI'maj wISeHchoH, Soj
maHutlhchoHbej. tujchoH yuQvam muD. muDvam tujchoHmoHlaw'
nuvpu'. ghurchugh nuvpu' mI' vaj ghaytan ghur je tujchoHghach
Do. yuQ wISIgh. maSeH'eghQo'chugh, Do'Ha'.
> qay'be' nuvpu' law'qu'ghach. qay' woQ lulo'Ha'bogh qummey.
bIqarchu'be'. ghu' DaDelbogh nap law' qo'na' nap puS. reH Soj
wIghurmoHlaHtaHbe'. vuS wItu'.
> >Qu' Hutlh 'op nuv.
>
> Qu' law' tu'lu'taH. tay'nIS neH Qu' nuv je.
napbe' Qu''a'vam.
> >bIQ lammogh nuv law'. muD lammoH nuv law'.
>
> bIQ Say' luchenmoH je nuv. jo luchenmoH nuv.
vuS wItu'bej.
> >nuvpu' juHvaD Hoch puH DIlo'chugh vaj nuqDaq Soj wInenchoHmoH?
>
> Soj poQlu'chugh, 'utbe' Hatlh tIn.
qaStaHvIS DIS naQ nuq juch SojlIj puH 'ej nuq 'aD puHvam?
ghaytan bISovbe'chu'. not vuS wItu' wItu'pa' 'e' DanajlaH. 'ach
chaq qempa' Damojpu'DI' najlI'ghachlIj DIl latlhpu'.
latlhpu'vaD pagh vIDIlmoH.
qatIch vIneHbe'bej, 'ach meqlIj DaDelchugh, meqwIj vIDel je.
> >SuDchu'meH *lawn*Daj juHDaj puHDaq tar lan nuvpu' law'. bIQ ghoS tarvam.
>
> jIQochbe'. Dogh SuDmoHchu'wI'pu'. loQ qo' luqalmoH.
> chaHvaD yoS 'IH potlh law' qo' pIv potlh puS.
> DIghojnISmoHba'.
DIchenmoHmeH Qu' ngeD law' DIghojmoHmeH Qu' ngeD puS. chaq
vIghojmoHlaHbe' 'ach vIchenmoHlaHbejQo'.
> >jomaj wIlo'nISchu' 'ej pagh puqpu' chenmoH 'op nuvpu'.
>
> jo ngo' wIlo'laH 'ej jo chu' wIchenmoHlaH.
> HoS wIghajchugh, ram latlh.
QIt HoS lInglu'. nom HoS wInatlh. manarghpa' HoS boS poH'a'.
ngajqu' poHmaj, 'ach HoS wInatlhqu'taH. juHwIj HoS lIng pemHov.
juHlIj HoS lIng nuq? bISov'a'? ghaytanHa' bISov. qay'. Hal
DaSaHbe'. qay'be'law'. qaSpa' Qugh, *Three Mile Island*Daq
qay'be' je. tarna' lIngpa' nIn, qay'be'. muD lammoHpa' nIn,
qay'be'. vaj Daqelbe'. DaleghlaHbe'chugh vaj DaSaHbe'.
> >nuvpu'vamvo' wa' jIH. puq vIghajchoHchugh vaj qo'vam vIDubbe'
> >'e' vIHar. puqDaj yItIv. wIvwIj vItIv 'e' yIchaw'.
>
> qo' luDublaH nuv neH. reH nuv chu' DIpoQ 'e' vIHar jIH.
Hegh Hoch vIneHbe'. potlh Do. Heghlu'DI' boghnISlu', 'ach
ghurqu'taHchugh nuv mI', Do'Ha'. ngoDna'vam wIbuSHa'chugh
waghqu' Qaghmaj'e' DIlnISbogh lathpu'.
> >> Qu'lIj vInuSqangbe'bej.
> >
> >maj. choyonmoH.
>
> qechvam wIqeltaHvIS, maSIQchuqlaHbej.
jIQochbe'chu'. potlh qechvam. ngaDtaH qo' wIneH. ngoQvaD pIm
Hemaj. qar 'Iv? maSovlaHbe'.
> -- ghunchu'wI'
charghwI' 'utlh