tlhIngan-Hol Archive: Mon Oct 19 15:47:04 1998
[Date Prev][Date Next][Thread Prev][Thread Next]
Re: Las VegasDaq ghom tlhInganpu'
On Sun, 18 Oct 1998 20:06:11 -0700 (PDT) Alan Anderson
<[email protected]> wrote:
> ja' charghwI':
> >qo' yIbej. law'qu' nuvpu'. Sop Hoch nuv. puch lo' Hoch nuv. MuD
> >bIQ je lammoH Hoch nuv. latlh nuv vIchennISbe'moHlaw'.
>
> QaQ nuvpu' 'e' vIHar jIH. QaQbe''a' nuvmey? chaq choponlaH...
pIj QaQ nuvpu', 'ach reH maghurqu'chugh qay'bej. Soj poQ Hoch
nuv. muD poQ Hoch nuv. juH poQ Hoch nuv. Qu' poQ Hoch nuv. bIQ
Say' poQ Hoch nuv.
DaH qo'vamDaq Sop Hutlh 'op nuv. Qu' Hutlh 'op nuv. bIQ lammogh
nuv law'. muD lammoH nuv law'. nuvpu' juHvaD Hoch puH DIlo'chugh
vaj nuqDaq Soj wInenchoHmoH? SuDchu'meH *lawn*Daj juHDaj puHDaq
tar lan nuvpu' law'. bIQ ghoS tarvam.
jomaj wIlo'nISchu' 'ej pagh puqpu' chenmoH 'op nuvpu'.
nuvpu'vamvo' wa' jIH. puq vIghajchoHchugh vaj qo'vam vIDubbe'
'e' vIHar. puqDaj yItIv. wIvwIj vItIv 'e' yIchaw'.
> >...jIHeghDI' Hegh je tuqwIj.
> >HoHpu' vavwI'. Heghchu'meH tuqvam vIloS neH. Qu''a'wIj 'oH.
> >latlhmey vItoy' je, 'ach Qu'vam vItoy'chu'. 'oHvaD jImatlhtaH.
>
> Qu''a'lIj DaSovchugh 'ej bIquvchugh, 'oHvaD bImatlhnISba'.
> rInbeHmo' tuqlIj jIbech'a'? bIbech'a'? bechbe'lu'taHmo' jIbepnISbe' jIH.
> Qu'lIj vInuSqangbe'bej.
maj. choyonmoH.
> -- ghunchu'wI'
charghwI'