tlhIngan-Hol Archive: Tue May 05 11:14:47 1998
[Date Prev][Date Next][Thread Prev][Thread Next]
qepHomqoqwIj cha'DIch
- From: [email protected] (Alan Anderson)
- Subject: qepHomqoqwIj cha'DIch
- Date: Tue, 5 May 98 12:47:40 EST
cha'Hu' qepHom vIchermeH SuchwI'pu' lajbeH juHwIj.
Daqmey law'Daq De' vIghomHa'ta'.
yaHwIjDaq wanI' vInoymoH.
DuSaq'a' SumDaq Delbogh navmey vIlan.
paq SuyDaq vIlan je.
vengwIj jaj De' nav vIja'moH.
yoSwIj nuv law'vaD De' vIlI'.
Do'Ha' De' lajQo' Se' labwI'; meq vISovchu'be'.
navHommey ghaj wanI' Delbogh nav'e'.
De' qawlu'meH navHommey tlhaplu'ba'.
pongwIj, QumwI' QuvwIj, jabbI'ID QuvwIj je 'ang.
ngabpu' navHommey law'. De' lutlhaplaw'pu' vaghmaH nuv!
vaj muSuch vay''e' 'e' vIpIHbej.
'ach muSuch nuv 'ar?
SaH pagh'e' jay'.
cha'logh qepHom vInabta' 'ej cha'logh vIvonlu'pu'.
jIloStaHvIS 'ej jImobtaHvIS, murI' Lawrence Qanqor je,
vaj lI'chu'be' jaj. 'ach vItunglu'.
jIjeghQo'. wa'nem jInIDqa'qu'.
'ach ghu' DelmeH mu' pup jatlh Qanqor: natlh.
-- ghunchu'wI'