tlhIngan-Hol Archive: Fri Jul 31 11:54:08 1998
[Date Prev][Date Next][Thread Prev][Thread Next]
Re: KLBC - Hegh QIb ngechDaq jIyIttaHvIS...
- From: [email protected] (Alan Anderson)
- Subject: Re: KLBC - Hegh QIb ngechDaq jIyIttaHvIS...
- Date: Fri, 31 Jul 98 13:41:14 EST
ja' tuv'el:
>KLBC - Hegh QIb ngechDaq jIyIttaHvIS, mIgh vay' vIghomvIpbe'...
<...mughIj pagh mIgh> vImaS.
>ja' Qov:
>
>> bIpo'choHta'DI' chay' ghu' Daghov?...
>
>ghobe'. jIneHbogh vay' vIqonlaHDI'. ghItlhmeywIj lughmoHnISDI' pagh,
>vaj po'wI' jIH 'e' vIHarbej. not jIyon!
pImchu' ghItlhmeH mIw, jatlhmeH mIw je.
pImchu' laDmeH mIw, 'IjmeH mIw je.
bIqonchu'DI' bIpo'qu' 'e' DaHarchugh, bIjatlhnISDI' bImoghbej.
bIlaDchu'DI' bIpo'qu' 'e' DaHarchugh, bI'IjnISDI' bImoghqu'bej.
cha'ben MUSH-Daq jIpo'ba'. nom mu'mey vIghItlh 'ej nom mu'mey
vIlaDbogh vIyaj. 'ach qep'a'Daq jIQIvbej. QIt mu'mey vIjatlh.
motlh jIyevnIS 'ej pIj jItaghqa'nIS. QIt mu'mey vIQoybogh vIyaj.
motlh cha'logh mu' vIQoynIS vIghovpa'. pIj mu'ghom vIlo'nIS.
QaQ qeSlIj -- not yIyon.
>cha'logh /-pa'/ vIlo'pu'. toghwI''e' jIH, Dochmey vItogh 'e'
>vIparHa'... wa', cha', wej, loS, 'ej jIHaghchu'!
nuqDaq bIHtaH chal 'ul'a', muD chuS je?
-- ghunchu'wI'