tlhIngan-Hol Archive: Tue Jul 28 17:48:07 1998
[Date Prev][Date Next][Thread Prev][Thread Next]
qep'a' vIDellaw'
- From: [email protected]
- Subject: qep'a' vIDellaw'
- Date: Tue, 28 Jul 1998 20:47:45 EDT
cha'Hu' qep'a'vo' jIchegh, 'ej vItIvbejqu'. loQ DachwI'pu'vaD qep'a' vIDel
'e' vInID. loQ jIjeHmo', qep'a' Hoch wanI'mey vIDellaHchu'be' jIH. wanI'mey
puS vIqawchu'laHbogh vIqonlaw'.
qep'a' vaghDIchDaq ghotpu' vISovbogh vIlegh. latlhpu' vIqIH je. qep'a'
loSDIchDaq nuvpu' law' law' qep'a' vaghDIchDaq nuvpu' law' puS. 'ach qep'a'
vaghDIchDaq nIvqu' je Hoch laH. motlh latlhpu' vIyajchu'laH. roD
jIQongchu'be' 'ej jIDoy'. vaj Do'Ha' chaHvaD tlhIngan Hol
vIjatlhlaHchu'taHbe'.
choHmey chupmo' *Qov 'ej qaSmoHmo' *Lawrence, Qujmey nIv DISIQ:
{mu'lIj yIwam} - Hoch DubDaq mu'mey lanlu'. mu' tu'lu'meH ghelnISlu'.
DubwIjDaq {pujwI'} lanlu' 'ej nom vIloy. motlh mu'mey Daj wIvta' *Lawrence.
{pegh mu'} - jeS HoD *Qanqor *Seqram je. latlhvaD mu' pegh DelnISlu'.
jIjeS je jIH, 'ej jIQap.
{qaDHom} - HochvaD navHommey nobta' *Seqram. mu'tlheghmey taQ 'ang
navHommeyvam. mu'tlhegh qelDI' Hoch, mu'tlheghmey Del Hoch. roD lutHommey
qon. {HoSDo' 'I'} {targh peng} je luDellu'.
qu'bogh bom chu' qonta' HoD *Qanqor. {taHjaj wo'}, bomvam chu' je
DIbomqu'.
qep'a' *CabaretDaq bommey DIbom je. bomHey wImuch latlhpu' jIH je. bomvam
qonlaw'ta' *'altaQ 'ej latlhpu'vaD wImuch. {taHjaj wo'} rurqu' bomvam. tlhaQ
bomvam - chaq jabbI'IDghomvaD bom mu' lumuchqang latlh.
HochvaD lut'e' qonlI'bogh *Holtej much ghaH. chong lutvam. nentay Delchu'
lut 'ay'.
qep'a'Daq ngoQmey wuq Hoch. DaH ngoQ chu' vIwuq jIH: mupIlqu'moHmo'
qep'a', wa'nem Hoch mu'tay' vIghoj. ngoQvam vIchavpa' jIlumbe', 'e' vItul.
- taD