tlhIngan-Hol Archive: Sat Jul 11 13:28:53 1998
[Date Prev][Date Next][Thread Prev][Thread Next]
Re: ghommaj le'
ghIQpa' charghwI' mujang:
>wa' HI' ghaj qorDu' 'e' DaHarlaw'. reH loD ghaH HI'vam'e'. HI'
>lobnIS Hoch jeSwI'pu' 'e' DaHarlaw'. jeSwI'pu' chaH Hoch
>be'pu''e'. reH loDvam lobnIS Hoch be'pu'. not DevlaH be'pu'.
>not DevlaHchugh 'ej reH lobnISchugh, vaj reH toy'nISlaw'.
qechwIj Dayajbe'chu'.
ghaytan qechwIj DachovmeH DuSIgh HI'tuyHey DaSIQpu'bogh SoH.
HI' Dabogh DevwI' lughaj HochHom qorDu'mey.
motlh loD ghaH. chaq roD loD ghaH. 'ach 'utbe'.
yIntaHvIS SoSnI'wI' SoS, tuq ra' ghaH.
Hoch raQbe', 'ach He wIv. naSbe', 'ach QuchHa'qangmoH pagh.
vuvlu'chu' Hoch.
qorDu' DevwI' perlu'meH, chaq HoD qaq law' HI' law' puS.
>jIyajHa'chugh vaj jIHvaD yIQIj.
bIyajHa'bej. qachuH 'e' vInID.
mach qorDu'. Qapchu'meH, yeqnIS Hoch'e'.
buDchugh wa' joq lumchugh wa', qaqHa' ghu'.
Hemo' Qochchugh cha', chay' wIvlu'?
wa' DevwI'na' ngoy' poQba'.
tlhabbe'taHvIS puqpu' Qup, wIvlaHbe' chaH.
ngoy' 'e' luwavlaH vav SoS je net Sov.
HI' ghaH loD neHchugh vav 'ach Qochchugh be', taHbe' qorDu'.
HI' ghaH be' neHchugh vav 'ach Qochchugh loD, taHbe' qorDu'.
chenmeH qorDu', Qochbe'nIS chenmoHwI'pu'.
-- ghunchu'wI'