tlhIngan-Hol Archive: Wed Jan 28 15:35:51 1998
[Date Prev][Date Next][Thread Prev][Thread Next]
jIloS.
- From: "William H. Martin" <[email protected]>
- Subject: jIloS.
- Date: Wed, 28 Jan 1998 18:35:25 -0500 (Eastern Standard Time)
- Priority: NORMAL
charghwI'vo':
wa'Hu' jupwI' chu'vaD QIn vIlab. chaq jIQagh 'e' vIpIHchoH.
muSujmo' latlh, chaq mu'mey vIwuqDI' loQ jImIS. DaH vIlab 'e'
vIpay. DaH murI' jupvam neH jupvam 'e' muja' jupvam QIn.
DaH vIloS. ghogh HablI' vIbej 'ej vIloS.
vIloSlI'.
wa'maH Hutvatlh wa'maH vagh rep QIt vImI'. *Tai chi class*vaD
jIjeS. vengDaq jIratlhnIS. juH vIghoSchugh 'ej vengDaq
jIcheghchugh jIpaSchoHbej. yaHDaq 'uQ vIvut 'ej vISop. vIvut'a'?
vItujmoH neH. yu'eghHom vIlo'. {{:)>
vaj jISopta' 'ej Hoch tlhIngan QInmey vIlaDta'...
'ej jIloS.
Qorwagh vIbejchoH, 'ach Hurgh. jupwI' chu' vIparHa'.
jIQaghqu'be' 'e' vItul.
rejmorgh jImojchoHlI'. loStaHghach vIpar. jIloStaHvIS jIlI'be'.
bommey vIQoychoH. maj. bommey vIparHa'qu'. 'ach paSchoH jupwI'.
Do'Ha'.
vIrI'ta'. jIQaghbe'law' 'ach jup chu' neHbe' jupwI' chu'.
jIjatlhchu' vIneH. jInIDqa'.
jup chu''e' neHbe'bogh jupwI' chu' jIH. mamI' neH neH. mamI' 'e'
tIvqu' jupwI' chu'. maja'chuq neHbe'. majatlh neHbe'.
maSovchuqchoH 'e' neHbe'. mamI' neH neH.
nargh'a' 'eb? ghobe'. not 'eb tu'lu'pu'.
vIt vIghojmeH QaQ. pIj jInajqu'. jIvemnIS.
QIt jImI'meH jImej. QIt jItlhuH. jItam. jIjot. jIHvaD jIHDaq
jIroj.
pItlh.