tlhIngan-Hol Archive: Wed Jan 28 10:24:31 1998
[Date Prev][Date Next][Thread Prev][Thread Next]
Re: De'wI'Hom
- From: "William H. Martin" <[email protected]>
- Subject: Re: De'wI'Hom
- Date: Wed, 28 Jan 1998 13:24:14 -0500 (EST)
- In-Reply-To: <[email protected]> from "Alan Anderson" at Jan 27, 98 06:20:04 am
According to Alan Anderson:
>
> mujang charghwI':
> >> QonoS vIqonnIS, 'ej De'wI'HomDaq Qatlh Qu'vetlh.
> >
> >ghobe'. Qummo' De'wI'Hom De'wI' je roD De'wI'Daq QonoS Daqon 'ej
> >De'wI'HomDaq bIlaDlaH. loQ De'wI'HomDaq bIqonlaH je 'ach nom
> >De'wI'Daq DaqonlaH 'ej QIt De'wI'HomDaq DaqonnIS. nom
> >De'wI'HomDaq jIqonlaH, 'ach Qu'vamvaD nIvba' De'wI'.
>
> bIyajHa'. QonoS vIqontaHvIS, Daqmay SarDaq vIyItnIStaH.
> mu'mey neH vIlo'laHbe'. 'ul pat vIDelnIS je.
> DaHjaj paq vIqeng jIvumtaHvIS. navDaq Hoch vIghItlh.
> De'wI'Hom mach vIlo'pu' 'e' vInID. machqu'mo' "keyboard"-Daj ngeDbe'.
> chaq jIghItlhmeH naQHom vIlo'laHchugh, nIv "PalmPilot".
jIQochbe'. qayajHa'pu'. 'ach naQHom lo' *Newton* je. chaq
SoHvaD nIv.
> >> "Macintosh" 'oH De'wI'wIj'e'. "Mac" lo'wI'vaD loQ QIv "PalmPilot",
> >> 'ach Qap 'ej ghaytan yap.
> >
> >jIQoch. Qumbej *Macintosh* *PalmPilot* je. *Macintosh* lo'bej
> >pInwI' 'ej *PalmPilot* lo' 'ej tIv.
>
> bIyajHa'qa'. QumlaH bIH 'e' vISovbej, 'ach pIm "Mac" laH, "PC" laH.
> qawHaq nIbmoHlaHchu' "PC", 'ach cha' laH Hutlh "Mac" mIw.
> jabbI'IDmey, Huch De' joq tamlaHbe' "Mac" "PalmPilot" je.
> wej naQchu' "Mac" mIw ghunlu'bogh.
ngoDvam vISovbe'pu'. Do'Ha' ghu'vam. QIp. *Mac* lo'wI'pu'
nuQbe' ghu'vam 'e' pIH'a' ghunwI'pu'?
> wejmaH Hu' "PalmPilot Professional" vIje'meH 'eb vItu'.
> qutlh. cha'vatlh DeQ neH poQlu'.
wagh *Newton* 'ach chaq DamaS. yIDaj.
> 'ach vISuqnISqu'be'mo', nargh 'eb 'e' vIchaw'.
> jIQaghpu' DaH 'e' vItlhoj.
chaq. jISovbe'chu'.
> -- ghunchu'wI'
charghwI'