tlhIngan-Hol Archive: Wed Feb 25 14:45:50 1998
[Date Prev][Date Next][Thread Prev][Thread Next]
*Iraq* noHHey
- From: "Andeen, Eric" <[email protected]>
- Subject: *Iraq* noHHey
- Date: Wed, 25 Feb 1998 15:56:08 -0700
cha'Hu' tlhoS juHmajDaq cheghnIS be'nalwI'. *West Bank* (*Palestine*)
DablI', 'ej javmaH loSleS chegh 'e' nab. *Iraq* HIv *US* 'e' nabtaHvIS
(*1), loQ QobchoH ghu'Daj. *Iraq* HIvchugh *US*, SIbI' *Israel* HIvlaw'
*Iraq*, 'ej be'nalwI'vaD Qoblaw' ghu'vam.
ghu''a'vammo', morghtaH *Palestine* ngan, *Jordan* ngan, latlh
*Arab*-pu' je. *US* lumuS 'e' lumaq. *Israel* lumuS 'e' lumaq (reH
*Israel* lumuSlaw'. potlhbe'law' meqna'). joqwI' lumeQ. *Ramallah* veng
botlhDaq qaS cha' morghmeH wanI', 'ej *Ramallah* Dab be'nalwI'. wa' *US*
ngan luHIvlaw' *Ramallah* morghwI'pu', 'ach lurIQmoHbe'law'. vaghHu'
*Ma'an, Jordan*-Daq, rIQchoH cha' morghwI', cha' latlh je.
ghu' QobchoHmo' 'e' noH *State Department*, SochHu' Sepvo' mej be'nalwI'
'e' chup *US* qum. loSHu' pe'vIl chupqa'. wejHu' ra'choHlaw', 'ach tugh
ra' 'e' mev 'ej chupqa'law'. Qumchu'be'mo' qum, mej be'nalwI' net poQ
'e' Sovbe' be'nalwI' poQlu'taHvIS. mejbe', 'ach tlhoS mej. lupmeH malja'
rI', 'ej wa'leS (cha'leS je) *Tel Aviv*-vo', *Phoenix*-Daq lupDuj lIgh
'e' nab. Do' qaSbe'law' noH. javmaH loSleS juHDaj ru'vo' juHna'majDaq
leng 'e' nabqa'.
pItlh
*1 - I *refuse* to abide by the "obscure rule" when it prevents me from
putting a {-vIS} on a verb in a SAO construction just because I can't
have a {-taH}. Suggest an alternative or deal with it.
SKI: pagh's wife nearly got relocated home because of the whole Iraq
thing.
pagh