tlhIngan-Hol Archive: Mon Feb 23 07:50:58 1998
[Date Prev][Date Next][Thread Prev][Thread Next]
Re: parmaqwIj
According to Alan Anderson:
ja' charghwI':
> >'ach nIteb jIreHlaH 'ej jImI'chu'DI' latlh bang latlh be'nal je
> >vItlhejlaH. chaq jIHmo' najtaH 'IHbogh be' law'. qechmo' jImon.
>
> be'nalwI' DatlhejlaH SumI'taHvIS. mI' 'e' tIvchu' ghaH 'ach vItIvbe' jIH.
qamDu'lIj le' choqawmoH.
> >not QongDaq Sut nIH bangwI'. not mubIrmoH qamDu'Daj bIr. not
> >wuQ bangwI'. not bep. not qej.
>
> not mon. not Hagh. not tujmoH. not 'uch. bang vISIQqang.
yIqawmoHQo'! ghu'meyvamvaD jI'oy'taH. jIghung. jInong. 'ach
jIram. mumaw'moH. tugh yab Qel vISuchqa'. mubelHa'qu' yInwIj.
parmaq bom vIQoyDI' jIQeHchoH. bangpu' vIleghDI' jImoghqu'choH
'ej jIqet vIneHchoH. qatlh vImob? yabwIjDaq chuSchoH qechvam.
tamchoH vIneH.
bang chu' ghaj Hoch be' vImuSHa'pu'. muneH pagh.
jIroj'eghlaHbe'. [mu' vIlo'Ha'pu' 'e' vISov, 'ach qech
vIDel vIneHbogh Delchu'.] [toH. Huj je mu'tlheghvetlh 'ach
Delchu' je.]
> >bangwI' jIH. be' DopwIj ghaH bangwI''e'. {{:)>
> >
> >[qabbej mu'QujwIj. vay' 'IQmoHlaw'. (No words for "groan" or
> >"moan")]
>
> tlhoS Qap <bey> 'ach ghu' QaQ 'oS. pup <'oy'>, qar'a'? :-)
chaq Qap <beyHa'>. DaparHa''a'?
> -- ghunchu'wI'
charghwI'