tlhIngan-Hol Archive: Fri Feb 20 09:01:05 1998
[Date Prev][Date Next][Thread Prev][Thread Next]
Re: leng Saj
>Date: Mon, 9 Feb 1998 15:45:26 -0800 (PST)
>From: "Robyn Stewart" <[email protected]>
>
>lugh charghwI' peHruS je. jatlhlaHbe'mo' Saj <ghaH> lo'be'nISlu'.
>leng 'ej Sey 'ej naj Marc Saj, loQ jIQubHa' 'ej 'oHvaD <ghaH> vIlaj.
>chaq rut jalthlaHbe'bogh SajvaD <ghaH> lulo' tlhInganpu' 'ach
>mapabchu'chugh wIlo'be'. HeS'a' 'oHbe' QaghHomvam'e' 'ach vIt
>jIwIvnISchugh jIjatlh muj.
napqu'be'nIS ghu'. "ghaH" "'oH" ghap Dalo'DI' (qoj "-pu'" "-mey" ghap
Dalo'DI', qoj "-wI'" "-wIj" ghap Dalo'DI') quSDaq bIba'be'chugh, vaj vay'
DaQum. yIn tera' 'e' vIHarchugh, 'ej Dep 'Itlh 'oH 'e' vIHarchugh, vaj
'oHvaD "ghaH" vIpong. chaq pongmo' choyu', 'a qay'be'. lut vIja'taHvIS,
latlh vIQum je: <<jatlhlaH yuQ 'e' vIHar>> jIja' je. (peyaj: jatlhlaH tera'
'e' vIHarbe' jIH. chovnatlh vIlo' neH).
vaj chaq Hoch DepvaD chutna' tu'be'lu'; chaq Dep puSvaD puj chut. vuDDaj
'ang jatlhwI', jatlhDI'. qay' nuq?
~mark