tlhIngan-Hol Archive: Tue Feb 17 11:50:53 1998
[Date Prev][Date Next][Thread Prev][Thread Next]
ram
- From: "William H. Martin" <[email protected]>
- Subject: ram
- Date: Tue, 17 Feb 1998 14:49:09 -0500 (Eastern Standard Time)
- Priority: NORMAL
pIj potlhmey vIjatlh vIneH 'ach ramlaw' yInwIj. toH! nuq
vIjatlh? SaH 'Iv?
DaHjaj SISlu'taH. wa'Hu' SISlu'taH. wa'leS SISlu'taH. SISchoH je
qa'wI'. Dat bIQ bIr tu'lu'. pum. vI'. bIng ghoS. vI'. bIQvam veb
lajQo' lam. yIQ Hoch. chaq bIQmo' Quchlaw' tI 'ach Qonglaw'mo'
ghu'vam tIvbe'law'. bIrmo' vembe' tI.
ropyaH'a'vo' cheghta' SoSwI'. Qaplaw' Haq. 'oy' SIQchu'.
Haqlu'pu'DI' qaStaHvIS ram naQ wa'DIch 'oy' Hergh tlhap 'e'
chaw'be' SoSwI'. po cha'logh Hergh laj neH. 'oy' SIQchu'ta'.
'ach Soj Sub SoptaHQo'. taS Soj neH laj. burghmo' bep. loQ
rejmorgh vIDaqa'. pIvqa' SoSwI' vIneH.
jIvum vIneHbe'. jIngojtaH. SISlu' vIneHbe'. roptaH SoSwI'
vIneHbe'. jImob vIneHbe'. bIr muD vIneHbe'. yaHDaq jIHtaH
vIneHbe'. jIqejbej.
tugh Qu' ghom vIghomnIS. tugh *anti-virus software*
wIghomHa'nIS. mIw wIwuqnIS. naDev qa'wI' tu'be'lu'. latlh Daq
ghaHlaw'. chImlaw' tIq. vay' vIghor vIneH.
'ach jIratlhnIS 'ej jItamtaHnIS 'ej tugh wIghomnIS. qoqHey
vImoj. Qu' vISaHbe'bogh vIta'nIS. vIQorgh 'ach vISaHbe'.
bepmeH QaQ jajvam.
charghwI'