tlhIngan-Hol Archive: Mon Feb 16 14:02:57 1998

Back to archive top level

To this year's listing

• Index by Date
• Index by Thread
• Index by Author

qorDu'Daq qaS Hegh

• From: [email protected] (Alan Anderson)
• Subject: qorDu'Daq qaS Hegh
• Date: Mon, 16 Feb 98 16:38:02 EST

DaHjaj po Hegh SoSnI'wI' loDnI' puqbe'.
cha' ben yabDajvo' rop lupe' HaqwI'.
wa' ben chegh rop.  lupe'qa' HaqwI'.
loSmaH Hu' cheghqa'.  toDmeH pagh luta'laH Qel.

'oy'be' ghaH.  rojlaw'ta' ghaH ghu' je.
HeghvIpbe'law'.  yItlaHbe'.  QamlaHbe'.
pujqu'mo' QongDaq QottaH.
qaStaHvIS Hogh Qav, SopQo' 'ej tlhutlhQo'.
QIt jatlhmeH laH lo', 'ach reH qa'Daj ghovlu'.

wejHu' tlhup 'e' nID.  'Ijqu' puqloDDaj 'ach yajlaHbe'.
ja' puqloD:  SoSoy, pIyajlaHbe', 'ach quvlIj wIQoy.
jang SoS:  taHqeqoy!

batlh yInta'.  nuv law' QaHta'.
juH Hutlhbogh nuvvaD yej cherta'.
DaH narghta' qa'Daj, 'ach ratlh ta'meyDaj.

cha'leS yInDaj wIqawmeH maghom qorDu'Daj juppu'Daj je.
'IQbej Hegh poH, 'ach yIn'e' wIloplI'.

-- ghunchu'wI'

• Prev by Date: RE: Prefix Canon
• Next by Date: Re: leng SajwIj
• Prev by thread: Re: KLBC: Counterparts
• Next by thread: Doubts in some words
• Index(es):
  • Date
  • Thread
  • Author

Back to archive top level