tlhIngan-Hol Archive: Fri Feb 06 11:59:58 1998
[Date Prev][Date Next][Thread Prev][Thread Next]
RE: Babylon vaghDaq, qaStaH nuq??
- From: "Andeen, Eric" <[email protected]>
- Subject: RE: Babylon vaghDaq, qaStaH nuq??
- Date: Fri, 6 Feb 1998 13:09:07 -0700
ghelqa' SuSvaj:
> At 11:04 AM 2/5/98 -0800, you wrote:
> >ghel SuSvaj:
> >
> >> jIHvaD De'vam Danobta'mo', qatlho'qu'. toH, 'ejDo' HoD
> >> ghaH *Ivanovich*'e'. tera' yo' Duj 'oH'a' 'ejDo'Daj'e'? tera'
> >> HIp tuQqa''a' *Ivanovich*'e'?
> >
> >HIja'. tera' yo'vaD toy'qa' *Ivanova*. tera' charghDI' *Babylon* vagh
> >yo', HoH'egh *Clarke* *President*. *President* moj *Russia* ngan, 'ej
> >vangqa' qum motlh. tera' QI'vaD toy' 'e' mev *Sheridan* 'e' poQ tera'
> >qum chu', 'ach pegh De'vam.
>
> mu'tlheghvam vIyajchu'be'. tera' QI' toy'be' *Sheridan*,'e' poQ'a'
> tera'
> qum? qatlh? 'ej qatlh pegh De'vam. tera' qum chu' jup ghaHbej
> *Sheridan*'e'. vangbe'chugh *Sheridan*, taHbe'bej qumvam. tera' jagh
> ghaHbe'bej *Sheridan*'e'.
>
> jIqar (really bad pun). tera' HIvmo' *Babylon* vagh QI', Do'bej tera'.
> 'ach tera' QI' magh *Sheridan*. tlhab'eghmoHpa' *Babylon* vagh, tera'
> QI'vaD toy' *Sheridan*, Hoch *Babylon* vagh negh je. tera'
> tlhabmoHmeH, tera' QI' HIvnIS *Babylon* vagh QI'. qaStaHvIS noH, cheH
> tera' veSDuj law', 'ej lumuv *Babylon* vagh QI'. jegh je tera' veSDuj
> law', 'ej Suv 'e' lumev. 'ach tera' Duj law' Qaw'nIS *Babylon* vagh
> QI', 'ej tera' mang law' HoHnIS *Babylon* vagh QI'. HoHbe' 'e' nIDqu'
> *Sheridan*, *Babylon* vagh QI' je, 'ach tera' tlhabnISmoH, 'ej pIj 'ut
> Hegh.
>
> vaj tera' toD *Sheridan* 'e' Har tera'ngan law'. magh 'e' Har je
> tera'ngan law'. Qatlhqu' ghu'vam. *Sheridan* 'urmangmo', muHlu' luneH
> 'op qum yaS. *Sheridan*-vaD batlh Degh noblu' luneH latlh. moS Hoch:
> Sub ghaH *Sheridan*-'e' 'e' maq qum, 'ach tera' QI'vaD toy'qa'laHbe'.
> toy'taH neH *Sheridan*, 'ach neghDaj QanmeH 'ej chenlaHmeH boq'a', moS
> je *Sheridan*. vaj tera' QI'vaD toy'be' *Sheridan*. DaH boq'a' che'.
>
> The new Russian president (terrible actress, but a pretty decent
> character) summed it up quite well: "The bitch of it is, you probably
> did the right thing".
>
> pagh