tlhIngan-Hol Archive: Thu Feb 05 10:30:31 1998
[Date Prev][Date Next][Thread Prev][Thread Next]
Re: Babalon vaghDaq, qaStaH nuq??
- From: "Andeen, Eric" <[email protected]>
- Subject: Re: Babalon vaghDaq, qaStaH nuq??
- Date: Thu, 5 Feb 1998 11:41:15 -0700
ghel SuSvaj:
> jIHvaD De'vam Danobta'mo', qatlho'qu'. toH, 'ejDo' HoD
> ghaH *Ivanovich*'e'. tera' yo' Duj 'oH'a' 'ejDo'Daj'e'? tera'
> HIp tuQqa''a' *Ivanovich*'e'?
HIja'. tera' yo'vaD toy'qa' *Ivanova*. tera' charghDI' *Babylon* vagh
yo', HoH'egh *Clarke* *President*. *President* moj *Russia* ngan, 'ej
vangqa' qum motlh. tera' QI'vaD toy' 'e' mev *Sheridan* 'e' poQ tera'
qum chu', 'ach pegh De'vam. Hoch tera'nganvaD jatlh *Sheridan*: <tera'
vIHIvta'mo', tera' QI'vaD vItoy'laHbe'>. HeQmo' *Sheridan*, HeS pagh
*Babylon* vagh yaS 'e' maq tera' qum. vaj tera' QI'vaD toy'qa'laH
*Ivanova*.
*Babylon* vaghDaq toy'taH *Ivanova* 'e' Hech *Babylon* vagh chenmoHwI',
'ach qay'choH ghu'vam. *Ivanova* DataH neHlaw' *Ivanova* DawI' (*Claudia
Christian*), 'ach Qochbe'laHbe' ghaH, *Babylon* vagh vu'wI' je. ghoH
HochvaD 'e' lu'ang, 'ej batlhHa' vang DawI' vu'wI' joq 'e' Har bejwI'
law'. Do'Ha'. jISaHbe' jIH; jIHlut'e' vIbej neH.
pagh