tlhIngan-Hol Archive: Sun Dec 27 18:50:11 1998
[Date Prev][Date Next][Thread Prev][Thread Next]
Re: jIloStaHvIS
- From: "William H. Martin" <[email protected]>
- Subject: Re: jIloStaHvIS
- Date: Sun, 27 Dec 1998 21:48:52 -0500 (Eastern Standard Time)
- Priority: NORMAL
On Wed, 23 Dec 1998 13:33:17 -0800 (PST) SuSvaj
<[email protected]> wrote:
> buy' ngop! muSuchmeH, DaHjaj vengwIjDaq paw be'nI'pu'wI'. chaH vIlegh
> vIneHbej, 'ej jISeyqu','ach chaH vIloStaHvIS juHvamDaq jIratlhnIS 'ej
> qetlhqu' ghu'wIj.
'oy' DaSIQjaj!
> ghaytan, qaSDI' 9:00pm Saq muDDujmeychaj, vaj repmey
> law' loSnIS, 'ej Qu' vIta'nISbogh vIghajbe'.
Qu' chu' yIchenmoH. 'eb yIjon.
> rInmo' DuSaQ bID DISwIj, pagh
> vIHaDnIS,
qar'a'? pagh DaHaDnIS'a'? vay' DaHaDnISbe' 'e' vIpIH, 'ach vay'
DaHaDchugh qay' nuq?
chaq pagh DaHaDchugh pagh DanuQ. {{:)>
> 'ej qaStaHvIS jajmey quv jIvumtaHbe'. ru'bej ghu'vam, 'ach Dal.
vaj pagh jaghpu' Daghaj...
> toH, poH vIlo'chumeH "Hamlet, Qo'noS ta'puq" vIlaDlI'. vItIvtaH, 'ach
> Doy'choH mInDu'wIj.
yIvIngQo'!
> jIHvaD pejatlh! latlh nuvvaD vIQumbe'chugh, tugh
> jImaw'choH!!!!
lu'. jIjatlh.
cha'logh QoQ vImuch. leSpalmey DIchu' bangwI' jIH je. wanI'
wa'DIchDaq bangwI' be'nI' loDnal be'wI' je DItlhej. wanI'
cha'DIchDaq SoSwI' bang wItlhej. chorghmaH ben boghpu' 'ej
Supghew chu'chu'. wanI'mey DItIvchu'. DaH bommeyvam vImughmeH
laHwIj vIDubnIS. jIqeqnISba'.
> SuSvaj
charghwI' 'utlh