tlhIngan-Hol Archive: Mon Aug 03 19:18:55 1998
[Date Prev][Date Next][Thread Prev][Thread Next]
Re: loQ qep'a' vIDel
- From: "William H. Martin" <[email protected]>
- Subject: Re: loQ qep'a' vIDel
- Date: Mon, 3 Aug 1998 22:20:26 -0400 (Eastern Daylight Time)
- Priority: NORMAL
On Thu, 30 Jul 1998 10:11:58 -0700 (PDT) "Andeen, Eric"
<[email protected]> wrote:
> qep'a'Daq jISaHtaHvIS, yaHwIjDaq lotHomqoq law' SIQnIS latlh vumwI',
> 'ach jIghIQlI'mo' yaHwIj vIbuSHa'laHchu'. Do'Ha' DaH jIcheghpu' 'ej
> tera'ngan DoghwI' vIDanISqa'.
jIyajchu'. rut yaHDaq jIcheghQo' 'e' vIqel, 'ach
jIcheghbe'chugh, Huch munob 'e' lumev. Do'Ha'. vaj jIchegh.
> 'ach QInvamvaD ghIlab ghew vIbuSQo'. qep'a' neH vIqel.
lutmey Dun, bommey Dun!
> jIlengchoHmeH 'eqqu'taHvIS po jIvemnIS. lengwIj tIq law' HochHom tIq
> puS. cha' lupDuj vIlIghnIS.
chal lughoS lupDujvam, qar'a'? bIlengtaHvIS wa' yuQDaq bIratlh.
> lupDuj vergh'a'Daq jIpawDI' jIngojqu'.
> jIba'taH vIneHbe'qu'. mebpa'meyDaq jIpawDI' qab chu' vIlegh 'ej tlhoS
> vIghov. Holtej qab 'oHtaH tugh 'e' vItu'. nI'taHvIS poH jabbI'IDghomDaq
> maQum, 'ej DaH maqIH. jIQuch. nargh charghwI', 'ej tugh jupna' law'
> vIghomqa'pu'.
wanI'vam vIqawbej. bIpawpa' Holtej vIja' <<pagh DaparHa'bej.
jatlhchu' 'ej batlh vang.>> mu'meywIj Datobta'.
> puS qep'a'vam jeSwI'pu', 'ej loQ mutung ngoDvam. Sar DachmeH meqmey:
<<DachmeH>>? loQ Huj mu'vam. Sar DachmoHbogh meqmey.
> QI'vaD toy'nIS DloraH; yapbe' latlh ghotpu' Huch poH joq. 'ach law'bej
> jatlhchu'wI'pu' 'ej vIHtaHbogh bIQ rur tlhIngan Hol QIch. wa'nem jeSqa'
> DachwI' law' 'e' vItul. jeSlaH je chu'wI'pu' 'e' vItul je.
reH 'e' vItul. qep'a' vaghDIchvaD jeS wa'maH Hut nuvpu'.
(chaq jIqarHa', 'ach not jI*be approximate*.) wa'ben loS loSmaH
nuvpu'. reH choHtaH mI'maj. DISmey law' luqellu'DI' ghurtaH
mI'maj.
> law' wa'ben qeqmey, 'ach nIv DISvam qeqmey. <pegh mu'> wIQujqa', 'ach
> chu' HochHom. rut jey'e' gherbogh *Lawrence* wIbuSHa'. Hoch qeqmey
> wIta', 'ach pIj poHmey wIchoH.
not yIn nablaHchu' vay'.
> *Thursday* po <mu'lIj yIwam> wIQuj. Hoch DubDaq navHom HuSmoH Qov, latlh
> jeSwI' ghap (pongDaj vIqawbe').
*Pam*?
> QapmeH jeSwI', mu'Daj loynIS. latlhvaD
> gheltaH net chaw', 'ach jangmeH <HIja'> pagh <ghobe'> neH ja' jangwI'
> net chaw'. chutvam wIpabchu'qu'be'; tlhoS qech lI' jonchugh jeSwI' vaj
> loQ wIQaH. vonlu'chugh vaj latlh qechmey DIchup. SuStel mu' Qatlh law'
> Hoch Qatlh puS, 'ej moghchoHbej ghaH, 'ach loy. <jIl> 'oH.
Qatlhbej 'ach Qatlh latlh je. *Emissary* 'oH peHruS mu'.
> paq qonlI' Holtej, 'ej maHvaD wa' 'ay' laD. mu'tlhegh laDpu'DI' Holtej,
> loQ yev 'ej mugh Qov. Qatlh Qov Qu', 'ach batlh ta'. 'ey Holtej lut.
> nentay Del. DaH paq naQ vIlaD vIneHbej.
jIH je.
> *Friday* pov mu'qaD veS wIqeq, 'ej qeqvam Qatlh law' Hoch Qatlh puS.
> law' mu'qaDmey, 'ej jejqu' 'op. jatlh *Heather*: <pIvghorlIj Dachu'DI'
> Hagh paqleD>. Do'Ha' vIHtaHbogh bIQ lururbe' mu'qaDmey; ghevI' jeDqu'
> lurur neH. pe'vIl mu'qaDmey bachlu'meH, nomqu' QubnISlu', 'ej wej
> laHvetlh wIchav. chaq wa'nem machung.
junoHchu'.
> *Saturday* pov qaDHom wIta'. HochvaD navHom nob Seqram. qech'e' Delbogh
> navHomDaj qelnIS Hoch jeSwI' 'ej ghomvaD jatlh. SapwI' wa'DIch moj Qov,
> 'ej jatlhchoHpa' navHomDaj qelQo', vaj jatlhtaHvIS QubnISba'. butlhDaj
> vIHo' 'ej mIwDaj vIlo' je jIH. rInDI' Qov Sapqanglaw'mo' pagh, vaj Sap
> pagh ;-) Seqramvo' navHom vISuq 'ej vInuD. vIqel. <nIvnav mavjop je>
> ghItlhlu'. chImchu'taH yabwIj. navHomvam vIlajQo' 'ej latlh vISuq.
> <SoSlI' vIqotlhDI'>. loQ qechvam vIqel 'ej jIjatlhchoH. vIja'taHvIS loQ
> DoqchoH qabwIj.
loQ? yIqar!
> tIqqu'choHpu'mo' jabbI'IDvam jIghItlh 'e' vImev. Dun *Cabaret* 'ach wej
> vIqel. tugh jIlabqa'.
maj. wanI'vetlh vIloS.
vIghItlh vIneH je, 'ach bang chu' vIghaj 'ej poHwIj lo'chu'.
jIbepbe'. muQorghchu'.
> pagh
charghwI'