tlhIngan-Hol Archive: Thu Apr 30 16:00:48 1998
[Date Prev][Date Next][Thread Prev][Thread Next]
DaHjaj chegh be'nalwI'
- From: "Andeen, Eric" <[email protected]>
- Subject: DaHjaj chegh be'nalwI'
- Date: Thu, 30 Apr 1998 15:54:47 -0700
DaHjaj ramjep chegh be'nalwI' *Sarah*. QInvam vIqontaHvIS lupDuj quSDaq
ba'lI'.
meq law'mo' loQ rejmorgh vIDachoH. ghIHtaH juHmaj. jISay'moHtaH, 'ach
jIvumtaHmo' Qu'vam vIrInmoHlaHchu'be' pawpa' *Sarah*. ghaytan nI'qu'mo'
lengDaj bergh *Sarah*. 'ach wa' meq Sagh law' Hoch Sagh puS.
puvbogh Saj wIghaj. *African Grey Parrot* 'oH mutDaj'e'. *ZaZu* wIpong.
chorghleS qaS *ZaZu* qoS cha'DIch. DachtaHvIS *Sarah*, tay'be'ba'taH
*Sarah*, *ZaZu* je. jIH mutlhejqangbejtaH *ZaZu*, 'ach novpu' par.
DachtaHvIS *Sarah*, *ZaZu*-vaD nov mojpu''a'? lon *Sarah* 'e' Har'a'
*ZaZu*? *Sarah* par'a' *ZaZu*? *Sarah* chop'a' *ZaZu*?
ghaytan rejmorgh vIDa neH. wa'leS vemDI' *Sarah*, *ZaZu* mo' Dungvo'
ngup teq. *ZaZu*-vaD jatlh. *ZaZu* nIQ vut 'ej mo' DuqDaq lan. SIbI'
*Sarah* parHa'qa'ba' *ZaZu*.
wa'leS jIlabqa' 'e' vIHech. jajmaj wa'DIch vIqel. jIQuchqu' 'e' vISov.
pagh