tlhIngan-Hol Archive: Wed Apr 29 07:36:29 1998
[Date Prev][Date Next][Thread Prev][Thread Next]
Re: mermeH lopno'
According to Andeen, Eric:
>
> qaSpu'DI' vaghmaH jav rep, chegh be'nalwI' *Sarah*. jISeyqu'choH.
> ghIHtaH juHmaj, 'ach ratlh cha' jaj.
>
> lopno' wInab jIH, *Sarah* jup *Amy* je. loSleS qaS wanI'vam. wInab 'e'
> Sovbe'mo' *Sarah*, ghaytan mer lopno'.
quq lopno' pegh Qu''e' nabbogh *SaraH* je 'e' DabotmeH DaH
*Sarah*vaD Qu'qoq yInab! [mutlheghvetlh Qatlh law' mu'tlegh
vIpIHbogh Qatlh puS. choyaj 'e' vItul.] *Sarah*vaD lopno' poH
yIpolmoH. [bong latlh mu'tlegh Huj vIjonta'.]
> wa'vatlhHu' jIHvaD chup *Sarah*:
> "jIHvaD lopno' yInab." cha'maHHu' muja' *Sarah*: "lopno'mey vIpar.
> yInabQo'". wuqlaHbe'law'taH ghaH. mumoghmoHtaH. roD HochHom nuv parmo'
> *Sarah*, loQ rejmorgh vIDachoH.
HochHom nuv parchugh be'nallI' vaj qay' be'nallI'. qay'be'
lopno'. chaq lopno'Daq nuvpu' tIvqu' be'nallI'. rejmorgh
yImojQo'. nuvpu' partaHchugh be'nallI' vaj ghaHvaD veHDaj
DaqawmoHchu'. juHDaq veHDaj SovchoH 'ej veHDaj DaSovchoH. QaQ
ghu'vam. rejmorgh yImojQo'.
> chaq cha'maHHu' lugh 'ej lopno' par.
lopno' neH 'e' vIpIH. *be humble, shy, polite* neH. ghaytan
Damer 'ej tIv.
> chaq lopno'mo' bergh qoj qej qoj QuchHa'. chaq nuv law' ghomqa' neHbe'.
vaj ghomqa'Qo'. qay'be'.
> 'ach jIvangvIptaHQo'. lopno' wInab. vIHtaH gho. malop 'ej maQuch. pItlh.
yIruch! DaQorghmo' bIvang 'e' Sov be'nallI'. yap. yIyonchoH.
> pagh
charghwI'