tlhIngan-Hol Archive: Wed Apr 22 19:26:52 1998
[Date Prev][Date Next][Thread Prev][Thread Next]
RE: tugh chegh be'nalwI'
- From: "Andeen, Eric" <[email protected]>
- Subject: RE: tugh chegh be'nalwI'
- Date: Wed, 22 Apr 1998 19:20:47 -0700
lab Holtej:
>lab pagh:
>> HutleS ramjep juHmajDaq chegh be'nalwI'. matay'qa'taH. jISeychoH
>> 'ej jIQuchchoH. cha'vatlh loSmaHHu' vummeH mej.
> ghuy'cha'! nuq 'oH Qu'Daj'e'? qaStaHvIS poH nI'qu' Sutay'be'.
> DachtaHvIS bImaw'choH'a'? bImaw'choH chay' 'e' Dabot? :)
*American Library* yejHaDvaD toy'lI'. *Birzeit* DuSaQ'a'Daq vumlI'.
*Ramallah, Palestine* Dab. juHDajvo' Sum *Jerusalem*. *Fellowship* le'
'oH Qu'Daj'e'. ghaHmo' jIHemqu'.
mamaw'be'choHmeH pIj maQum. *Internet* wIlo'taH. *email* wIlabtaH.
majoSmeH HochHom jaj *NetMeeting* wIlo'. Do'Ha' ghogh lablaHbe' 'ej
HevlaHbe' be'nalwI' De'wI', 'ach mu'mey wI'lo'laH 'ej qay'be'. HochHom
Hogh wa'logh majoSmeH ghogh HablI' wIlo'. loQ wagh, 'ach Qap.
>> cheghmeH qaStaHvIS cha'maH loS rep lengnIS. pawDI' Doy'qu'bej.
>> juHDaq macheghpa' Qe' le'Daq maSop 'e' wInab, 'ach chaq SIbI'
>> Qong neH neH.
> chaq. Duleghmo' Seyqu' je ghaH 'e' yIqaw.
>> qay'be'. matay'. ngoDvetlh potlh law' Hoch potlh puS.
>>
>> QI'yaH! DaH juH vISay'nISqu'moH.
> chaq juHlIjDaq Dacheghpa' Qe' le' DaSuchnIS. ghungbe'mo' 'ej
> Doy'qu'mo', juHlIj ghIH DaleghDI' chaq berghbe'.
Say'chugh juH not ngervam vItoblaH :-) pawDI' lengqu'pu'mo' berghbej,
'ej potlhbe' juH Dotlh. 'ach Qongchu'pu'DI' potlhchoH juH Dotlh.
ghIHtaHchugh juH, chaq vempa' be'nalwI' yaHwIjDaq jIvumnISchoH jIH.
pagh