tlhIngan-Hol Archive: Tue Oct 29 19:24:12 1996
[Date Prev][Date Next][Thread Prev][Thread Next]
RE: DaH tlhInganna' jIH
- From: [email protected] (Alan Anderson)
- Subject: RE: DaH tlhInganna' jIH
- Date: Tue, 29 Oct 1996 22:23:48 -0500
ghItlh SuStel:
>tlhIngan Hol DajatlhtaHvIS be'nallI' DanuQ'a'? teH'a' ngoDHeyvam?
tlhIngan Hol vIjatlhtaHmo' neH ghaH vInuQbe'.
jIjatlh 'e' SaHbe'. tlhIngan Hol vIHaDchugh, qay'be'.
tlhingan Hol vIjatlhtaHvIS rep law' vIlo'mo' qay'laH.
>qatlh qep'a' wejDIchDaq SaH be'nallI'?
Quchbej qorDu'wIj. mutlhej luneHba'.
nIteb qep'a' vIjeSchugh, qay'qu' jay'!
>qep'a' tIvlaw'.
HoghHom tIvlaw' be'nalwI', 'ej ghotpu' qIHta' 'e' tIvba'.
Dunbej tlhIngan Hol jatlhwI'pu'! Dajqu' 'ej valqu'.
'ach tlhIngan Hol neH lujatlhtaHvIS vay', tIvbe' yajlaHbe'mo'.
rut ghaHvaD jImughqangbe'mo' nov bangwI' 'e' Harlaw'.
>'ej tlhIngan HIp DatuQ 'e' luchaw''a' vummoHlI'? :)
ghaytanHa' luchaw'. :)
-- ghunchu'wI'