tlhIngan-Hol Archive: Tue Oct 15 06:47:32 1996
[Date Prev][Date Next][Thread Prev][Thread Next]
cha' lutmey tlhaQ
- From: Terry Donnelly <[email protected]>
- Subject: cha' lutmey tlhaQ
- Date: Tue, 15 Oct 1996 08:47:24 -0500 (CDT)
wa'DIch:
tlhIngan vengHomDaq ghIQ wa' tera'ngan. HurDaq yIttaHvIS ghaH, chol wa'
tlhIngan. pu'HIch, HIq bal je qengtaH tlhIngan.
"toH, tera'ngan," jatlh tlhIngan, "yItlhutlh!"
jang tera'ngan, "vItlhutlh vIneHbe'."
Human chorDaq pu'HIch Qeq tlhIngan. "yItlhutlh jay'!"
vaj HIq bal tlhap tera'ngan 'ej tlhutlh. DIngchoH nachDaj 'ej
Qom porghDaj. HIq bal nobHa'.
"ngIm HIq, qar'a'?" jatlh tlhIngan. HumanvaD pu'HIchDaj nob.
"DaH, vItlhutlhmeH, jIHDaq yIQeq."
cha'DIch:
ramjepHey bong mol yoS 'el chechwI'. HeDaj qImbe'taH, vaj mol
poSDaq pum. chechqu'mo', nom QongchoH. qaSDI' po, vem ghaH 'ej
jachchoH. ghoghDaj Qoy mol yoS 'avwI'.
"qatlh bIvIng?" tlhob 'avwI'.
"jIbIrqu'."
jang 'avwI', "mumerbe' ghu'. SoHvo' Hoch lam Dapuppu'"
-- ter'eS