tlhIngan-Hol Archive: Fri Oct 04 08:27:43 1996
[Date Prev][Date Next][Thread Prev][Thread Next]
Re: DaH tlhIngan jIHbej
- From: "William H. Martin" <[email protected]>
- Subject: Re: DaH tlhIngan jIHbej
- Date: Fri, 4 Oct 1996 11:24:26 -0400 ()
- Priority: NORMAL
On Thu, 3 Oct 1996 18:33:44 -0700 [email protected] wrote:
...
> ghoqlaHchu' tera'nganpu tlhInganpu' romuluSnganpu' neH 'e' DaHar'a'? qoH!
> ghoqchu'laH vulqanganpu' (*Tuvok* yIqaw). verenganvaD Huch yap noblu'chugh,
> ghoqlaH verengan (*Quark* yIqaw).
'ach verenganvaD Huch yap noblu'chugh, ghoqHa'laH je verengan. 'ej
qoHpu'vo' neH De' lI' SuqlaH verengan. verengan voqlaH qoHpu' neH.
...
> patlhqoq vIghajbe'. rewbe'na' jIH. 'ej chay' *Internet*Daq SoHvaD 'IwwIj
> vI'ang jay'?
...
...
[blink, blink]
...
[scratch chin]
...
qarlaw' ngoDvetlh. vIqelpu'be'.
vaj DaH jIvIt. jIghoqpu' 'ach jImev. patlh pegh vIghajpu', 'ach DaH patlh
vIghajbe'. yabwIj laD *Betazed*ngan 'ej patlhwIj peghHa' ghaH. vaj
jIghoqlaHtaHbe', 'ej jIghoqlaHbe'taH 'ej DaH patlh vIHutlh 'ej
reH jIghIQtaH. wo'vaD Sumchugh QI' peghmey lI' vaj jIghIQ 'e' vItIvqu'.
> > 'ej chaq ghoqwI' nIv SoH, 'ach chaq tlhIngan ghoqwI' SoHbe'.
>
> bIlugh. chaq ghoqwI' jIH. chaq. ('ej jIghoqchugh vaj jIghoqchu'qu'!) 'ach
> reH tlhIngan wo' vItoy'!
'ach mu'tlheghvetlh jatlh je romuluSngan ghoqwI' QaQ...
> > maj. romuluSnganpu' law' vIHoHta' je, 'ach not chaH vISov. vIghov neH.
> > maghovchuqpu', maSuvchuqpu', vIHoHta'. qatlh chaH vISov vIneH? chaH vISov
> > vIHoHmeH 'e' vIpoQbe'.
>
> mu' nIvHa' vIwIvlaw'. romuluSnganpu' law' vIqIHqu'pu'. not cha'logh
> romuluSngan rap vIghompu'. 'ej "reH jaghlIj yIyaj."
jeghlIj DaSovbe'taHvIS DayajlaH. jaghwIj vIyaj 'ach vISovbe'.
> > DaqwIj DaqlIj ghap? {{;)>
>
> DaqlIj. juHlIj chu' vIlegh vIneH! qaHoHneSDI', ravvo' 'IwlIj vIteq 'e'
> vIlay'.
ravwIjDaq bIreghtaHvIS Qatlh Qu'vetlh. chaq ravwIjDaq bIghItlhmeH QuchlIj
Hab Dalo'. chaq lojmItwIj vI'IHmoHmeH lomlIj vIlo'. vaj lojmItwIjDaq
chuSlu'meH 'ej mujangmoHlu'meH nachlIj lo'laH SuchwI'pu'.
QaQ mu'qaD veSmaj, qar'a'?
> SuStel
> Stardate 96758.4
charghwI'