tlhIngan-Hol Archive: Tue May 07 09:23:09 1996
[Date Prev][Date Next][Thread Prev][Thread Next]
Re: tugh muSuch jup chu'
- From: Alan Anderson <[email protected]>
- Subject: Re: tugh muSuch jup chu'
- Date: Tue, 7 May 96 10:41:46 EST
Sunday po mavem. nIQHom luSop trI'Qal puqloDwI' je.
megh'a' vIpIH vaj pagh vISop.
"Israel" tlhab jaj loprupchoHtaH lalDanghomwIj.
Sum veng "Marion". nutlhejmeH lalDanghomDaj manabchu'pu'.
lalDanqachDaq chen "Jerusalem"Hey 'ej pa' Qujmey macher.
Quj QupwI' qanwI' je. mabom 'ej ma*dance*. megh'a' wISop.
SaH Soj law'. "Falafel, tahini, humus, cous-cous" latlh je tu'lu'.
Soj pong puS wImughlaHnISbej, 'ach potlhlaw' "milk, egg" je.
ghoghwIj vIquvHa'pu'mo' jIjatlhlaHbe'chu'. loj ghoghwIj rIntaH.
vaj vay' vIjangnISDI', jIghItlhmeH tlhIngan Hol vIlo' 'ej laD trI'Qal
'ej vay'vaD mugh. taQ ghu', 'ach wItIv. jItamchu'taHvIS jIHaghlaw'.
rInDI' lopno', qach wIghIHHa'moH. wanI' lutIvqu'pu' Hoch.
mejnIS trI'Qal. luchDaj boS. DujDaj tep. He qel 'ej wIv.
mavanchuq. qep'a'Daq maghomchuqqa'bej! juHDaj ghoSchoH.
batlh yIleng, jupwI' vItlhup. DaH jupna' chu' vIghajbej.
qep'a'Daq juppu' law' vItu'jaj!
--------------------------------------------
Alan Anderson Delco Electronics
{ghunchu'wI'} Remanufacturing Services
Test Equipment System Software Group