tlhIngan-Hol Archive: Sun Feb 18 18:54:39 1996
[Date Prev][Date Next][Thread Prev][Thread Next]
QonoS 'ay' 5DIch
- From: [email protected]
- Subject: QonoS 'ay' 5DIch
- Date: Sun, 18 Feb 1996 21:54:28 -0500
QonoS 'ay' vaghDIch (qaSpu' wej jaj)
HachwI'Heyvo' nom luSampu'bogh mej. mulmo' *QorISja*ngan, ghuv
moj 'e' lulajmoHlaHbe' yotwI'pu', ngaqbe'taHvIS negh'a'.
*Qe'ngIn* qeS muj naDHa' la', 'ej Qu' ngoQ je wIHqu'moHmeH ra'.
jeghmoHqu'mo' wIHtaHghach neH, vaj 'oH lulo'chu', 'ej Qapla' ngeD
je'qangtaHvIS, waghbe' yay'a'.
mIchDaq ratlhtaHvIS, HachwI' latlh yuQ nejchu'ta'DI', DaH
*voSbaD* nganpu' muvrupmoH la'. *voSbaD*Daq wa' puH'ay'Daq yIn
chaH, bIQ'a' luHajlaw'mo'. qeSghom tlhobtaH la', Dup lI'
nabnISmo'. qeSghomvo' *Qe'ngIn* nopta'mo', vaj wIHwI'na' neH
lutu'lu', 'ej jaS nganpu'vaD qejlaHqu' yotwI'ghom ghommoHbogh.
Qu'Hom wa'DIch chavmeH, mangghom'a' ghomnISmoH *rIyval* beq puS.
pujwI'pu', toDSaHpu' je Samchugh yotwI'pu'Daj, vaj charghchu'meH
ngeDlu', 'a muv mojbogh qeqmeH Qatlhlu'. wa' neH qay'wI'vammo'
bep la', 'a bepmeH HoSbe'. vaj chIch bepbogh mu' mevmoHDI',
qa'DajDaq vIHchoHtaH bepmoHbogh QeH'e', HoS je. SuvwI' qa' Hujqu'
ghaH. bIQ'a'HeHvo' yot 'e' nab qeSghom, bIQ'a' retlhDaq
Hurghqu'mo' yInroH, 'ej yotwI' nuQ pagh, taghlu'DI'.
yotwI'ghom ra'wI' SughmeH, bu' *Qorval* wIv. *voSbaD* nganpu' HIv
'e' taghbejDI', ghorDaq may' botlhDaq jol'egh *rIyval*, *QI'ngal*
je. lutlhmo', Sung ghIjqu' wanI'vam. vaj Qapqu' ghIjwI'. jeQbogh
'ej yoHbogh Qu' chavwI' ghommoH, 'ej SuvrupmoH la'.