tlhIngan-Hol Archive: Sun Feb 11 17:28:48 1996
[Date Prev][Date Next][Thread Prev][Thread Next]
*rIyval* tayqeq qawHaq: *QorISja* vagh ngan
- From: [email protected]
- Subject: *rIyval* tayqeq qawHaq: *QorISja* vagh ngan
- Date: Sun, 11 Feb 1996 19:04:10 -0500
tayqeq qawHaq: *QorISja* vagh ngan
tlhIlyuQ Segh 'oH yuQvam Segh'e'. QeDbogh lam, HuDmey je ghaj puH
lupojbogh ghor Hoqra'. Sung porghDaq ghegh DIr, mach mIn teS je,
tIn nuj Hom, let Ho'Du', 'ej tIq nItlh. 'uSDaq 'ughqu'law' ro.
vaj DungDaq Doch 'ughqu' yuvlaH qoj qenglaH. HuD 'ochDaq
chenmoHbogh yIntaH.
ghorDaq qaS lalDan mIw, yupma' je, 'ej wutlhDaq qaS wanI' motlh.
veng botlhDungDaq lalDanqach'a' tu'lu', 'ej 'oH chenmoHmeH
Ha'DIbaH HomDu' neH lulo'lu', 'ej 'oHDaq veng lojmIt tu'lu' je.
vaj pa' 'el SaqwI'ghom, 'ej mughwI'jan ghuntaH, tugh gharruppa'
*QorISja* yaSpu' qIHbogh.
tIghchajmo' lalDanqach'a' bIngna'Daq qaS gharqep. lalDanchajmo'
veqlargh Dalaw' yotwI', qelDI' yaS, 'ej ghu'vammo' loQ yuDlaw'
gharchaj. nIvba'wI'vaD jeghqangbe'mo', qaSmeH may''e' Sutlh.
bIng'a' 'ochDaq yIttaHvIS, may' DaqDaq yotwI' Dor, 'ej pa' cha'
QochwI' 'oSnIS cha' vajpu', 'e' luQIj. tlhIngan SuvwI'Duy Da
*QI'ngal*'e' ngeHbogh *rIyval*. ghaH 'ov voDleH SuvwI''a'.
SuvtaHvIS, naghmey luwoDlu'meH Dup'e' lo' ghaH. 'a woDpu'pa', Do'
pu' lo' 'ej bach *QI'ngal*. may'vam nI'be' noHDI' yaS, mayHa' 'ej
toj yotwI' 'e' Harqu' je. DaH pay' voqHa'ghach 'angba'qu' yaS, 'a
chIch Qol'eghmoH yotwI'pu'. rIn may', 'ej leS vay' charghchu'meH
Dup'e' lo'choH jaS 'e' wuq la'.