tlhIngan-Hol Archive: Thu Feb 08 16:16:20 1996

Back to archive top level

To this year's listing

• Index by Date
• Index by Thread
• Index by Author

to'baj 'uS mIw

• From: Terry Donnelly <[email protected]>
• Subject: to'baj 'uS mIw
• Date: Thu, 8 Feb 1996 18:16:10 -0600 (CST)

to'baj 'uS mIw:

to'baj 'oH DIr let ghajtaHbogh Ha'DIbaH mach'e'.  to'baj 'uS
lughoDlu'bogh parHa' tlhInganpu'.  to'baj 'uS chenmoHmeH mIw le'
lughajtaH tlhIngan qorDu' Hoch.  vutpa'lIjDaq nay'vam noy
chenmoHmeH mIwvam yIlo':

to'baj chu'qu' Suq vutwI'.  to'baj porghvo' 'uSDu' chev ghaH. 
'uSvo' Somraw lel.  'ay'mey machqu' chenmoHmeH to'baj Somraw
pe'chu'.  naHmey pe'chu' je. naHmey Somraw je lupe'lu'ta'bogh
DuDchu' 'ej HabmoHmeH yuch taS wIb chel.  Dochmey
luDuDlu'ta'bogh lo'taHvIS 'uSDu' ghoD.  bIrqu'DI' nay', jab.  to'baj
'uS lughoDlu'bogh SopmeH, DIr let lagh (Ho'Du'chaj lo' tlhIngan) 'ej
Soj lellu'bogh Sop.

wa'logh qaStaHvIS wa' DIS, porghDaj SachnISDI' to'baj, tunchoH 'ej
langHa'choH to'baj DIr.  to'baj 'uS lughoDlu'bogh chenmoHDI' to'baj
tun lo'taHvIS vutwI', le' nay'.  'uS Hoch Soplu' (DIr tun Soplu' je),
'ej nujDaq Dunqu'law' Soj.  quq to'baj DIr tunchoHghach QI'lop je,
vaj qaStaHDI' QI'lop, to'baj 'uS tun lughoDlu'bogh jabnISlu' 'e'
ra'taH lurDech.

• Prev by Date: Re: KLBC Preguntas
• Next by Date: Re: KLBC> HaDIbaHpu' le' mach
• Prev by thread: Re: KLBC - Two words for 'warrior' ?
• Next by thread: KLI credit cards
• Index(es):
  • Date
  • Thread
  • Author

Back to archive top level