tlhIngan-Hol Archive: Mon Feb 05 03:14:53 1996
[Date Prev][Date Next][Thread Prev][Thread Next]
*rIyval* Hoq ('ay' 4DIch)
- From: [email protected]
- Subject: *rIyval* Hoq ('ay' 4DIch)
- Date: Mon, 5 Feb 1996 06:14:18 -0500
QonoS 'ay' loSDIch (qaSpu' Hogh puS)
QeDqu'DI' yIntaghmuD, rIHnISqa'lu'. ghu'vammo' yuQ vay'Daq
SaqnIS. 'a Hoq lumqangbe' la', 'ej yoqna' yInroH luSam, Saqpa',
'e' poQ. vaj chIch nom mIch luHotlhpu'DI', SaqwI' jey nabchoH.
*QorISja* vaghDaq Daq'e' wIv, veng lutlhDaq Summo'. nuH, qa' je
Hujchu' la'; qama' mIn teS je jorrupmoH, pu'beH lo'taHvIS.
jeghrupwI' charghchu'meH Hot tlhIngan HoS neH, 'ej la'vaD
jeghwI'pu'vo' woQchaj nge' neH negh, 'e' pIH.
'ach Qu' pIm qelmeH la' pon Qu'nab yaS, *Qe'ngIn*. taghDI' HIvbe'
'e' qeS; lIH'eghpu'DI' yotwI'Hey, nugh lubejtaH, charghpa'. vaj
charghmeH mIw QaQ'e' wIvlaH, tIghmeychaj, QubtaHghachmeychaj je
yajchu'mo'. mIwvam QaQ law', SIbI' HIvmeH mIw QaQ puS, 'e' chup
*Qe'ngIn*.
veng lojmItDaq 'el SaqwI'ghom 'e' luchaw'DI' Sungpu', gharqep
loHlu'meH loQ Sutlh 'ej yeqlI'. chay' yotwI'vaD woQ nob Sung,
mu'mey DochHa'Daq 'e' luDel SoQmey jatlhbogh *rIyval*. woQ
tlhapchu'pa', nughvam mIwmey bejnIS, 'e' qeS je *Qe'ngIn*. vaj
De'wI'Daq nIvmoHpu'bogh *qolI'pavuS* De' law' lulab Hoqra', 'ej
HIvlaHchu'meH mIw'e' wIv 'e' loS la', tuv 'ej ngojqu'taHvIS je.