tlhIngan-Hol Archive: Thu Jun 01 20:23:55 1995
[Date Prev][Date Next][Thread Prev][Thread Next]
Re: chalvo' HIvwI'mey
On Wed, 31 May 1995 [email protected] wrote:
> cha' Hu' qaStaHvIS ram tam juHmaj. pa'meychajDaq chaHtaH puqpu''e'
> 'ej pa'majDaq maHtaH be'nalwI''e' jIH'e' je. jabbI'ID'a' chu'
> vIlaDtaHvIS HurDaq SuS vIQoychu'. pay' ram tam nISqu' wanI' chuS.
> nuHIvmeH vay' naghmey lo'taH 'e' vIHar. SIbI' jISup 'ej HIvwI'
> vIleghmeH lojmItDaq jIqet. yavDaq chuch moQmey vIlegh 'ej chalvo'
> pumtaH chuch moQ latlhmey. wanI' vIt Sovpa' puqpu' chaH ghIj. 'ach
> not ghaH ghIjpu' 'e' chID puqloDwI'. buQbe'lu'bej 'e' tlhojDI' Seyqu'.
>
> mevDI' wanI' chuch moQmey DIboSmeH Hur wIghoS. tIn moQ vay'mey 'ej ro'
> rur bIH. Dochmey'e' ghorbogh chuch moQmey vItu'vIp 'ach Do' naQ Hoch.
It is rare to use {-vIp} on a word beginning with {vI-}. Klingons
regard it as a taboo expression. 'ay' loS DoD cha' DoD cha' yIlaD.
> juHDaq maHqa'taHDI' pumqa'choHtaH chuch moQmey 'a wanI' wa'DIch nI'
> law' wanI' vam nI' puS. qaStaHvIS cha' wanI' nubuQ ghu' Qob 'e'
> wIghojmeH HaSta wIbej. Quvmajvo' Hopbe' ghu' Qob ja'lu'. nom
> DIngtaHbogh SuS'a' 'oH ghu'vam'e' 'ej *torneyDo' lupong tera'nganpu'.
> Do' not chol. tam ratlhbogh repmey'e'.
QaQqu' lutvam. po' Hol laHlIj.
wa'Hu' ram vengmajDaq chalvo' pum je chuch moQmey. muDwanI' ralmo' rarHa'
juHmey law' HoS. nunuQqu' ghu'vetlh. Do' vengmajDaq ram QIH 'ej juHwIj
QIHbe'lu'.
> Brad
yoDtargh