tlhIngan-Hol Archive: Fri Feb 10 00:31:48 1995
[Date Prev][Date Next][Thread Prev][Thread Next]
Re: qeSHa'ghachvaD Qu'vatlh
- From: [email protected]
- Subject: Re: qeSHa'ghachvaD Qu'vatlh
- Date: Fri, 10 Feb 1995 03:32:07 -0500
muqeHmoHpu' jup charghwI'.
>> toH, Qu'vatlh jay'. mu'wIj DamughmeH DIvI' Hol Dalo'ba'pu'. muqeHmoHbej
>> wanI'vam. tlhIngan mu' qechmey mughlu'meH 'utHa' DIvI' Hol 'e' yISovqu'.
>> mu'wIj DaqelDI', reH Dap ngeb Datu'Ha'law' 'e' vItu' je jIH, jaS qeSlIj
>> vInaDlaHmo'. 'ach DaH choqeHmoH. chobepqu'moH, wanI' Hat vIqIchnISlaH.
>qatIch 'e' vIHech 'e' DaQubchugh vaj bIQaghqu'. napqu' ghu'.
mu'qaD veS Dalo' 'e' DayapHa'moHlaw'.
>Qatlh qechlIj 'ej mu'mey law' Dalo'pu'. naDev jabbI'IDlIj laD
vaj jIyonjaj: Qatlhmo' neH qech, law'nISqu' mu'mey.
>nuvpu' law'. puS mu'meyvetlh yajlaHbogh nuvpu''e'. rut ghu'vam
>Datu'be' 'e' vIHar. vaj SoHvaD ghu'vam vI'ang, 'ej chay' bIjang?
toH, mu' puS neH Sovba'bogh nuvvetlhvaD vIghItlhbe'. SoH'e' qaghItlh. tIqbogh
jabbI'ID DaghItlhlaw'Qo''a' je? toH, 'ach pabpo' SoH. bIghojqu'nISlaHmo'
po'wI'na' SoHnIS je.
>Hu'tegh va Qu'vatlh va Dajatlh 'ej Dajatlhqa'. bIDogh.
>jabbI'IDlIj DatebmeH mu'mey law'qu' Dalo' 'ej pagh Dajatlh.
DaH choqeHmoH. mu'meywIj Hoch DalaDpu'meH boH mInlIj. qechwIj vuDwIj joq puS
DaSuqpu'be'. mIwvamvaD chaw'be''a' poH? Qu'vatlh.
>chopummeH bIlachqu'mo' chotIchqu'. jupwI' DaDabe'. yItlhIjQo'.
>yImev neH. jup DatIchchugh 'ej jagh DachenmoH vaj qoH Damoj.
>qoH yImojQo'. jupwI' yIratlh.
jup Dotlh vIghaj 'e' vIratlh 'e' DaHonchugh vaj bImuj neH. marI'Ha'chuqmeH,
vIHtaH bIQ lururbogh mu'qaD'e' 'e' yISIQchu'. Human tIqDaq Sagh mu'qaD. 'ach
jeQ 'e' SovDI' tlhIngan, qeHnISbe'.
'ach muwem ghu'. tlhIngan jIHbogh Davuv. tlhIngan Hol HaDwI' jIHbogh
Davuvbejbe'. tlhIngan Hol loHDaq 'e' vIqeH. jupboq laghqang ghu'vam mIgh. loQ
HolwIj DanuS pIj 'e' vItu'. DIvI' Hol teSvaD Huj tlhIngan Hol qech mu' je
nuqmo' 'e' DalajQo'?
jIHvaD nuSwI' DotlhlI' DaHon. ghu'vammo' tlhejchuqlaHbe' yabmaj yajtaHghach
(*choyajbe'* --- napnISchugh mu'wIj). ghu' qaDelbogh yItu'. QoQ rur Hol.
QoQluch ('oHlaHbogh chuS'ugh'e') bommoHlaHmeH po'qangchugh vay', vaj
qeqqu'nIS. qeqqu'taHchugh vaj QIt po'choH. reH bomnISmoH, loQ rut 'IHbe' QoQ
lIngbogh. qeqtaHvIS QIt po'choHmo', Do' 'IHchoH QoQ lIngbogh.
rap Hol ghu'. Hol lo'laHmeH qeqqu'nIS. reH HochvaD 'e' vIqeS. 'ach chaq
chochovHa'. tIqDI' jabbI'ID ghItlhwIj, latlhvaD lI'be'law'chugh bIH, jIqeqtaH
jIH'e' vaj 'e' yItu'qu' jay'. laDqangbe'lu' vaj loQ jIyon. tugh Do' law' nuv
po'qu' 'e' vItul. toH, qubmo' po'wI', mulaDbe'.
ghaytan rIn. rInpa' neH, wa' qaja'. pIj DIvI' Hol *style*vaD HujDI' HolwIj,
yIqeSHa'Qo'. Hol latlhvaD 'utHa' DIvI' Hol *style*. vaj mu'tlhegh <poH logh
je DuDchuqlaw'bogh wanI' jum QeD'e'...>Daq Huj mu' 'e' Datu'ba'chugh, yIlaj,
DIvI' Hol *style* rurbe'mo' neH. yIlajqu'rup. pItlh, jorruppu'bogh yabwIjvo'
vuDwIj vItebHa'moHta'.
ghuy'Do