tlhIngan-Hol Archive: Mon Apr 24 09:28:33 1995
[Date Prev][Date Next][Thread Prev][Thread Next]
No Subject
puqbe' vIghaj. *Emma* 'oH pongDaj'e'. qaStaHvIS wa'maH jav jar
yIntaH ghaH. Hu'mey wa' DoD DeQ Sop puqbe'wI'. qaStaHvIS jajmey
pIvlaw' ghaH. puqbe'ma' porghvo' tlheDlaHbogh He tu'laH DeQ 'e'
wItul jIH be'nalwI' je.
'ach qaSta'DI' jajmey je 'oy'qu'choH puqbe'wI'. yIt 'e' nIDDI'
ghaH pay' SaQ 'ej ravDaq pum. burghDaj waQtaH DeQ vaj 'oy'
puqbe' 'e' wIQub. rejmorgh maHchoH. *hospital* chachyaHDaq
pejaH qeS Qel vaj majaH.
chachyaHDaq po'qu' Hoch. nuqDaq ghaH DeQ Sopbogh machwI'ma''e'
tlhob Qel. burgh waQ'a' DeQ 'e' luchovmeH puqbe' lunuD Qelpu'.
'ach chaH mer ghu'. DeQ Quv lutu' 'ach burgh waQbe' DeQ.
jaS QubchoH Qelpu'. ghaytan 'uSDaj rIQpu' puqbe' vaj yItlaHbe'.
juHmajDaq machegh.
DaH pIvchoHpu' puqbe'wI'. 'uSDaj lo'laHchu' 'ej yItlaHchu'.
burghvo' tlheDta' DeQ (ghaytan HeDaj DaloylaH). DeQ Sopqa'be'
puqbe'. DaH *crayons* maStaH.
- ter'eS
===============================================
: Terry Donnelly : bIvangtaHvIS :
: Maplewood Pub. Lib. : yIyoHvIpQo' 'ej :
: 7601 Manchester Ave. : yIDoHQo' - :
: St. Louis, MO 63143 : Hoch yIn 'oH ngong'e':
: (314) 781-2174 : R. W. Emerson :
:---------------------------------------------:
: [email protected] :
===============================================