tlhIngan-Hol Archive: Fri Jun 03 11:57:52 1994
[Date Prev][Date Next][Thread Prev][Thread Next]
KSRP: Hecuba
- From: [email protected] (Nick NICHOLAS)
- Subject: KSRP: Hecuba
- Date: Sat, 4 Jun 94 13:54:58 EST
This is the speech on Hecuba, which Hamlet has the First Player recite in
II.1. The diction of the speech in English is more archaic than that of its
surroundings, but it's hard to get archaic diction in Klingon. I did the
next best thing, which is hinted at by the English text already: Hamlet meets
Beowulf. See what you think.
2.1.
...
rughtlhoQ rurlaw'pu' pob qIj *pay'ruS* ---
qarbe'. SoQ tagh *pay'ruS* mu'tlhegh.
ramjep rurlaw'pu' pob qIj *pay'ruS*
DeSDu' Dugh, HoH 'e' Hechmo',
Sanchaj SomDaq QojrupmeH QottaHvIS.
pe'vIl porghDaj ghIHqu' gheghDaq
DuQwI' DeghHey'e' DaH ngoHpu' ngotlhwI'.
qabvo' qamDu'Daq Doqchu' DevwI'.
ghaHDaq ghomHa'pu' qorDu' quppu' je
'Iw'e' 'uy'bogh 'ej QIt QaDmoHbogh
qechmey qul'a'. vaj che'wI'chaj chotrupwI'vaD
HeSrupbogh HoSDo' QIbHey Qobqu'
qemlaw' qul'a'vetlh. meQmo' 'ej muSmo'
DaSpu'DajDaq DuD'egh Hommey HuH je.
puyjaq pImbe' mInDu'Daj maw'.
pay' *pIray'am*, qup'a' qan
noDmeH nejtaH pejqangbogh *pay'ruS*,
ghe''or ghungwI'.
vaj yIruch.
p: Qu'vatlh, joHwI', bIpo' DabomtaHvIS.
QaQba' mu'QoQlIj 'ej QaQba' QeHSovlIj.
D1: tugh ghaH tu'.
mangpu' mupHa' gholvetlh. ghopDaj
lobHa'mo' letbogh betleHDaj, buDlaw'
pumDI' 'oH. poQqu' tlhaptaHwI'Daj 'e' tlhIvlaw'.
HIghbejmeH HI', Hay'choH *pIray'am* *pay'ruS* je.
mayHa' may'chaj. HIv HurghwI'.
QeHmo', QapHa' 'etlhDaj. 'ach 'aw'mo'
naSbogh nuHDaj SuSHey Sey,
vulchoH vavnI'a' Doy'. Dej je
vanglaHbe'bogh veng, DungDaj DechtaHvIS
qorqanglaw'bogh qul. ghatlh ghaH 'e' ghovlaw' 'oH.
chuSqu'mo' chenHa'taHvIS, tojwI' teSDu'
vonglaw' veng. vaj chalDaq chaghQo'law'
nurnuv nach chISDaq chungbeHbogh
tochDaj taj'a'Daj. HI' Hotlhlu'bogh
rurchoH rojQo'wI'. QeHDaj Qu'Daj je
vangbe'choH vIHbe'wI'.
rut 'a ralpa' muD, morgh 'e' mevlaw'
chal. chuSQo' Sachbogh SuSmey.
'ughlaw' 'engmey. peghlaw' je puH,
HeghvIplaw'mo'. HatlhDaq tIHmeyDaj'e' 'a tugh
mupmoH muD. jaS net ja'be'.
yevpu'DI' je yovwI', ghaH vumqa'moH vembogh
bortaS. baSDaq qIptaHvIS qeylIS
yovwI' yayyoD chenmoHbogh chamwI'pu''e',
vaQbej. 'a vIDchu' 'Iwmey 'etlhDaj,
*pIray'am*Daq pumDI'.
Sorghqang neH San! laHmeyDaj lIqjaj
qa''a'pu' qep. gho'a'Daj gho'wI'mey
naQmey je notlhmoHjaj. QItu' QuQvo'
botlhDaj bachjaj. jotlhDI', janvetlh
ghupjaj ghe''or!
...
D1: bortaS be'nal'e', Huy''a'Du' *He'quba*'e' ---
H: Huy''a'Du' *He'quba*?
p: QaQbej mu'vetlh. QaQbej Huy''a'Du' *He'quba*.
D1: 'ach 'av 'Iv? DachtaHvIS DaSmey,
qevpobDajvo' qulmey boch buQlaw'
leghwI' laHDaj mISbogh mInbIQ'e'.
Dat DughtaH. nachDajDaq narghpu'
qutmey qogh. DaHjaj 'oH Dech
qatwI' qutlh. mopDaj je mechpu'.
boghmeH batlhvaj law' QeyHa'mo' Qopbogh
chorDaj chIS ma'nIS mep'ay'.
ghumtaHvIS ghong, vubvam vupnISlu'.
be'nalvetlh bejchoHchugh vay', vaj vaQnIS.
'urmang 'oghpu' SotmoHbogh San, 'e'
maqnIS meqwI'vetlh, SuQtavIS SoQDaj.
bIjmeH, ghaH bejchugh qa''a' qep,
QujmeH QutwI', loDnalDaj lommey
puy *pIray'uS* 'etlh 'e' 'olDI' ghaH,
vaj vItmo' vI'bogh ghoghDaj ghum'a',
qa''a'pu' qImmoHlaHchugh jubbe'wI' jIp,
vaj vangrup je veSmey joH'a', 'ej jeDnIS
meQbogh muDmIn'a'.
--
Nick.