[Tlhingan-hol] tlhoy tIn

[lojmitti7wi7nuv@gmail.com]

Here’s my context sensitive vocabulary for this message. Don’t consider these words to be effective outside of this specific email message:

Microsoft {tunwI’Hom} 
Microsoft Office {tunwI’Hom yaH}
Microsoft Outlook {tunwI’Hom Hurnej}
version {ghantoH}
subrelease {ghantoHHom}

Yes, they are bad translations, but I’d rather do this than transliterate or put a bunch of English amid the Klingon text.

chorghHu’ tunwI’Hom yaH ghantoH cha’SanID wa’maH wa’vaD, ghantoHHom wa’maH loS vI’ vagh vI’ pagh nunob tunwI’Hom. ghantoHHomvaD tlhobnISbe’lu’. qaS neH.

Do’Ha’ lo’wI’pu’ law’vaD, tunwI’Hom Hurnej ghorpu’ ghantoHHomvam. QInmey laDchoHlaHbe’. wanI’mey leghchoHlaHbe’.

wa’Hu’ tunwI’Homvo’ QIn le’ vIHev. ghantoHHom wa’maH loS vI’ vagh vI’ wa’ chenmoHlu’ ‘e’ QIj QInvam. Huj QInvam. meq QIjbe’ QIn. jatlh:

****************
ghantoHHom wa’maH loS vI’ vagh vI’ pagh Dajompu’be’chugh, ghantoHHom wa’maH loS vI’ vagh vI’ wa’ yIjom. Hung Dub. ghantoHHom wa’maH loS vI’ vagh vI’ pagh rur.

ghantoHHom wa’maH loS vI vagh vI’ pagh Dajompu’chugh, ghantoHHom wa’maH loS vI’ vagh vI’ wa’ yIjom. meq yIqelbe’. yIvang neH.
*****************

tunwI’Hom Hurnej ghorlu’pu’ ‘e’ chIDQo’law’ tunwI’Hom. junbej QIn.

DaHjaj ghantoHHom wa’maH loS vI’ vagh vI’ wa’ nargh ‘e’ vIpIH, ‘ach jImerlu’. narghbe’.

vaj weQmoQnaQ vInej. ghantoHHom wa’maH loS vI’ vagh vI’ wa’ vISamlaHbe’. weQmoHnaQDaq tunwI’Hom Daq vInej. vISamlaHbe’taH.

Qin le’ vInuDqa’. ramwI’ law’ ngaS. ngoDHommey law’ ngaS. nuqDaq ghantoHHomvam chu’ vISamlaH? mIr ‘ay’ vItu’, ‘ach pa’ vay’ vISamlaHba’be’.

pa’ ramwI’ law’ ngaS. ngoDHommey law’ ngaS. nuqDaq ghantoHHomvam chu’ vISamlaH. pa’ latlh mIr ‘ay’ vItu’. pa’ ngoQwIj vISam!

toH ghantoHHom wa’maH loS vI’ vagh vI’ wa’ DapoQchuch HIrI’. vIghaj.

tlhoy tInmo’ tunwI’Hom, DuHbe’ lujmeH Qu’.

lojmIt tI’wI’ nuv ‘utlh
Retired Door Repair Guy


_______________________________________________
Tlhingan-hol mailing list
Tlhingan-hol@kli.org
http://mail.kli.org/mailman/listinfo/tlhingan-hol