tlhIngan-Hol Archive: Tue Apr 16 00:43:21 2013
[Date Prev][Date Next][Thread Prev][Thread Next]
[Tlhingan-hol] mIl'oD veDDIr SuvwI': 17. ghojwI'pu'lI' tISaH
tagha' taHqa' lutvam'e'!
To refresh folks' memories, the story so far:
roStevan, Emperor of the Kol'vat Region, and 'avtanDIl, a mighty warrior lord loyal to roStevan, went together on a hunt. While hunting, they encountered a strange warrior wearing a sabre bear's pelt, who killed or wounded a dozen of roStevan's attendants; roStevan eventually decided that the warrior could only be an evil spirit, but his daughter, tIna'tIn, was not so sure. Knowing that 'avtanDIl was secretly in love with her, tIna'tIn swore an oath that she would marry 'avtanDIl if he would spend a year searching for the Warrior in the Sabre Bear Pelt, and determine if he was spirit or man. 'avtanDIl of course agreed, and in the last 'ay' he spent some time explaining what he was to do to his pupil SermaDIn, who naturally was distraught at having his master leave for any length of time.
And so, on with the show...
----------
17. ghojwI'pu'lI' tISaH
toy'wI'pu'DajvaD ghItlh 'avtanDIl, jatlh: «toy'wI'pu'wI'! ghojmoHwI'pu'wI' ghojwI'pu'wI' je! matlhwI', yoHwI', quvwI' je, muDachu'bogh nuvpu' 'ej QIbHey rurbogh! peghom Hoch tlhIH 'ej QInvam yIQoy!»
«pe'Ij! tlhIHvaD QInvam vIqonlI' jIH, 'avtanDIl, qamDu'raj Qutlhbogh yav'e', 'ej vIghItlhmeH ghopwIj'e' vIlo'taH. qaStaHvIS 'op jaj, HIqmey bommey je vIlon, 'ej leng vImaS; Soj vISuqmeH beHwIj SenwI'wIj je vIvoqtaH. jIHvaD Qu' ra'lu'pu', wo' HopDaq vIleng 'e' poQbogh Qu''e'. nIteb jImej, 'ej qaStaHvIS DISvam jIlengtaH. wa' vay' Satlhob neH: jIcheghDI', wo'maj luQommoHpu'be' jaghpu'ma' 'e' bochaw'Qo'jaj.»
«jIDachtaHvIS, jawra' moj SermaDIn 'e' vImaq. yInwIjna' HeghwIjna' ghap SovchoHpa' ghaH, lIche'chu'taH, lIwovmoH 'ej jul rurchu'. lIpIlmoH, lISeymoH je; qo'vo' maghwI'pu' tetchoHmoH 'ej weQ Hap rur. jIHvaD tlhoS loDnI' mojpu', tlhoS puqloD mojpu' 'e' boSov. 'avtanDIl bolobchugh SermaDIn yIlobchu' je. gheb'e' vIrIlbogh jIH rIljaj ghaH, ngup'e' vItuQtaHbogh jIH tuQ'eghmoHjaj ghaH. DorDI' poH, jIcheghbe'pu'chugh, SuHaghbe'choH 'ej SuSaQchoH net qotlh.»
vaj ghItlhDaj rInmoH jat yanchu'bogh 'avtanDIl 'ej mu'mey 'IH bachbogh. 'IvtIHDu'DajDaq waghbogh 'ej SuDbogh baS qogh bagh, 'ej nIteb lengmeH Sut tuQ'eghmoH. «yotlhDaq vIpawDI' SarghwIjDaq vItoS [1],» jatlh. tlheghDaq tlha'chuqchoH mangpu', ghIq qach qoDvo' mejchoH chaH; HurDaq loSbe''eghmoH 'avtanDIl.
----------
SKI: 'avtanDIl writes a letter to his vassals, teachers, and armies explaining that he has declared SermaDIn to be the ruler of his yoS in his stead.
[1] We have little canon for {toS}, so I'm using it like a normal verb of motion: {vI-} for motion to, {jI-} for motion on (cf. HQ 7:4). {bebDaq jItoStaH} "I am climbing on the roof", {bebDaq vItoSlI'} "I am climbing ONTO the roof".
QeS
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol
![[KLI Member]](/pics/KLImemberbutton.gif "[KLI Member]"){kind=small}