tlhIngan-Hol Archive: Sun Nov 18 11:50:08 2012
[Date Prev][Date Next][Thread Prev][Thread Next]
[Tlhingan-hol] Saarbrucken qepHom - jaj cha', jaj wej je
- From: "De'vID" <[email protected]>
- Subject: [Tlhingan-hol] Saarbrucken qepHom - jaj cha', jaj wej je
- Date: Sun, 18 Nov 2012 20:49:54 +0100
- Dkim-signature: v=1; a=rsa-sha256; c=relaxed/relaxed; d=gmail.com; s=20120113; h=mime-version:date:message-id:subject:from:to:content-type; bh=UPdJfvC5zjSZNuu2kQmJIj0dbiYqYT4NHyexARRh4Rw=; b=F3gElDMHjozOMknWhXjymVfAbB7SNio/q++fUVrIf3kvd6W5IfaXlZVf7fUFJoalEj MPH/6/X58c1zE9JSCiBOxpbaOVky6mkEFig7KjAVmcHBXyKnJ76DhFGQg4iEUT3+kjHE pmsIMUCXSGm2nz4CkwKUTELWg73H7WfX1+jBRTdxRX3PZ8iQowqG1gLsiO3IvaBQJuCf axv47Q+djAVdO2nQiNNAWYqt2mIiFUwgY9DhH2k4pJOYLt4sFizTmvqIGCCXQqfTVNGt GS2LUKPIew9Ibvxack1juOYp6bnQcwr0z81ItoMSk7IoivMH2n2tx2DWjKFbWv+i3H5d zW0g==
- List-archive: <http://stodi.digitalkingdom.org/pipermail/tlhingan-hol/>
- List-id: <tlhingan-hol.stodi.digitalkingdom.org>
- List-subscribe: <http://stodi.digitalkingdom.org/mailman/listinfo/tlhingan-hol>, <mailto:[email protected]?subject=subscribe>
<p><br>
taghbej SoQmey paQDI'norghmey je! po'be'wI'pu'vaD SoQjatlhtaHvIS Quvar, ja'chuqmeH loQ po'wI'pu', tlhIngan Hol wIlo'taH. </p>
<p>qaStaHvIS jaj cha', SaH TV-beqpu'. Huj chaH. Saghbe'law'. nunuS luneHlaw'. "World's Strangest Hobbies" 'oH muchchaj'e' 'e' vIHar. </p>
<p>ngIq ghojwI'vaD pImbogh mu'mey puS nob ghojmoHwI'. Qu' ta'meH ghojwI' mu'meyDaj'e' Hevbogh qawnIS 'ej SIbI'Ha' yu'DI' ghojmoHwI' jangchu'nIS. latlhpu' yu'meH ghojmoHwI', DoyIchlan Hol lo' ('ej jangmeH tlhIngan Hol jatlhnIS ghojwI'). jIHvaD Qu' QatlhmoHmeH le' mIw: muyu'meH tlhIngan Hol lo' 'ej jIjangmeH DoyIchlan Hol vIjatlh.</p>
<p>wa' mu' chu' wIghoj. tera'ngan De'wI' rarbogh pat'a''e' 'oS <tera'ngan [mu' chu']>. Qo'noS [mu' chu'] 'Itlh law' tera' [mu' chu'] 'Itlh puS 'e' Har tlhInganpu'. (wej [mu' chu'] vI'ang, vI'ang net chaw' 'e' vISovbe'mo'.)</p>
<p>nuqaD je <qaD'a'>. po'be'wI'pu'vaD qaD'a'na' 'oH 'ach po'wI'pu'vaD qaD'a'qoq neH 'oHba'. ghItlhHom'e' qonta'bogh 'ISqu' ngaS qaD'a'. laDnIS qaDlu'wI' 'ej ghelmeH mu'tlheghmey jangnIS. maqaDqu''eghmeH Philip Newton, jIH je, ghItlhHom leghbe'taHvIS wa' ghogh lo'taHvIS latlh, laD latlh. vaj QatlhchoH qaD.</p>
<p>paq chu' vIje'. Haynes toQDuj tI'meH paq 'oH. 'IH.</p>
<p>tlhIngan Hol pab wIpoj je Philip jIH je. mu'tlheghvammey DIqel: {vagh [jengva'/ngop] [wI/DI]ghaj}. lughlaw' {vagh ngop wIghaj}, {wa'vatlh QaS yItlhap} lo'mo' <Klingon Monopoly>.</p>
<p>nentay mu'tlheghmey ghoj qepHom jeSwI'pu' 'ej nentay wIlop:<br>
- DaHjaj SuvwI''e' jIH!<br>
- tIqwIj Sa'angnIS!<br>
- 'Iw bIQtIqDaq jIjaH!<br>
- may'wIj 'oH may'vam'e'!<br>
- jach 'Iw vIpoQ!<br>
- qamDu'wIjDaq Heghpu'bogh jagh tu'lu'!<br>
(jIloptaHvIS loQ jIjatlhHa': *{jach 'Iw vIpoQ}. jIjachqu'ba'mo', yabwIj Dan {jach}.)</p>
<p>SoQ jatlh je DuSaQ'a' ghojmoHwI''a''e' rItta'bogh Quvar. Hov leng, Hov noHmey ngotlhwI'pu' bop. tlhaQqu' muchDaj.</p>
<p>qaStaHvIS jaj wej ram tach wIghoS. Quvar be'nal juppu' DIghom. tlhutlhqu' tlhInganpu' 'ej lopqu'. mebpa'mey wIcheghpa' qaSpu' bID ram.</p>
<p>--<br>
De'vID</p>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol