tlhIngan-Hol Archive: Wed May 30 15:09:47 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' cha'vatlh cha': rIQlaw' yelwIyyItngan. QaHlaw' 'ej je'lI'.
Mahoun had just found out why he was sent to Councilmember Qa'bar,
and then Qa'bar went forward to answer a hail.
---
202: rIQlaw' yelwIyyItngan. QaHlaw' 'ej je'lI'
Qa'bar QumwI' QoylaH 'eSSIm. ngemDaq Mahoun beymey Qoypu' qImyal negh
'ej DIS 'ochDaq yelwIyyItngan DIr tu'pu' Hoqra'chaj. jatlh Qa'bar,
"vIghaj, qImyal Sa'. cheghDI' yelwIyyItngan SuyDuj, lom vItatlh."
jangtaHvIS qImyal Sa', QoylaHbe' 'eSSIm, jatlhmo' Mahoun, "<lom
vItatlh> jatlh! lomwIj'e' luqellI'!"
QumwI'vaD jatlh Qa'bar, "jISov. Qo'. SamImtaHbe'. Qapla', Sa'." chegh
Qa'bar. jatlh, "QaQ qechlIj, 'eSSIm. lom yu'laHbe'. 'ej bIlugh.
lIHIvta' negh matlhHa'. bIjlu'." Qu' ta'Ha'pu'mo' mang bIj qImyal 'e'
Hajmo' mang, cha'maH cha' joQDu' togh 'eSSIm, 'ach Qa'bar tlhochbe'.
'uSDu' SIHpu' Mahoun 'ej qIvDu' 'emDaq qab So'ta'. "DaH choHoH'a'?"
jatlh. yIH wab rur ghoghDaj puj.
jatlh Qa'bar, "ghobe'. qaSo' neH."
Mahoun jotmoHbe'pu' De'vetlh. ravDaq ba'taH 'ej nom tlhuHtaH. jatlh,
"qaH, puqloDlI' luchotpu'chugh ghopDu'wIj jIQoSqu'. vIqawbe'chu'."
ghopDu' qelpu'mo' Mahoun, Mahoun ghopDu' legh Qa'bar 'eSSIm je.
rIQqu' DeS poS. jatlh Qa'bar, "yIQamchoH. DeSlIj HIleghmoH." lob
Mahoun. nItlhDu' SIHvIp. pagh nIDqang. HuS neH ghop. Hotlu'DI' vIng.
jatlh Qa'bar, "wa'Hu' yuQ vIbavchoHtaHvIS DujlIj Doj vIleghpu'.
qaHoy', Mahoun HoD. nuq Dapong?"
HemchoH Mahoun. jatlh, "FarsajIy'aaaaaaHaaaagh!" jatlhtaHvIS Mahoun,
yebDaj lISta' Qa'bar. naSmeH ta'pu'be'. yeb wunmoHmeH ta'ta'.[232]
jatlh Qa'bar, "'eSSIm, may'luchvetlh retlhDaq Sevmey, Hoqra' je
lutu'lu' 'ej vutpa'Daq SaH chuch. tIqem." lob 'eSSIm. Mahoun yeb
QorghtaHvIS Qa'bar, loQ vIngtaH Mahoun, 'ach leSchoH. yebDajDaq Sev
lanta'DI' Qa'bar, quSDaq ba'choH Mahoun yebDajDaq chuch[233]
'uchtaHvIS. vutpa' ghoS Qa'bar. cha' baS maHpIn qem. qagh ngaS wa'
'ej ghevI' ngaS latlh. nom DuD ghIq jatlh, "tISop!" qagh luSopchoH.
ghung Mahoun; qagh rur. Sop 'e' tIvba'.
jatlh Qa'bar, "reH bISoprupmo' puqnI'loDwI' DaHaghmoHpu'. tlhoy
Duje'taHmo' rut poq DaSIQ."
yay' Mahoun. jatlh, "qaH, chotlhabmoHneSta'mo' pItlho'qu' jIH,
vavwI', SoSwI', yurpu'wI' je, 'ach jIyajbe'. puqnI'lI' Hot qama' Qob
'e' Dachaw''a'? bortaS DaSuqnISpu'chugh qatlh jIyIntaH?"
----
SKI: After scaring Mahoun by talking about his corpse, Qa'bar goes on
to talk about Mahoun the house slave in terms at odds with Mahoun's
status as accused murderer of his son.
---
[232] The wrist in humans is a mess of tiny bones, not a socket at
all, so I don't know that this procedure would make any sense for
them. I just love this trope so much I couldn't resist. Perhaps
Yelwitian anatomy is slightly different.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol