tlhIngan-Hol Archive: Sat Jun 30 07:48:09 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' cha'vatlh cha'maH vagh: jorbe' nachDu'
vajar and the rebels are engaged in battle in a scrapyard onboard *Warfare*.
CONTENT: Violent death by disruptor.
225
jorbe' nachDu'
ghutar HIvlI'bogh loDDaq Qeq vajar 'ej jagh nach
'o' Qaw'. pum HIvwI' 'ach jorbe' nachDaj. DoS veb
wIvlI' vajar. QaS ra'taHbogh be''e' ngu'. ghagh
be' 'ej poSqu'choH mInDu'Daj, roDaj 'elchu'DI'
vajar nISwI' tIH.[272] poSqu'taHvIS nujDaj Hegh
be'. ra'wI'chaj chu' ngu'taHvIS jagh loQ mIS
chaH, 'ach SuvtaH. veQ qIptaH tIHmeychaj.
lotlhbogh 'op SuvwI'pu' qIp je. HubwI' mI' chov
vajar. DaH chaH law' law' lotlhwI' law' rap 'e'
noH 'ach nuplI' jagh. ghIHchoH rav. vajar SumDaq
SuvtaH Qoreq Sogh[324]. loQ tlhIblaw' 'ach chaq jonwI' tlhIbHa' ghaH.
che'ron pov 'oHbe' choQvam'e'. choQ
luDoQlaHchu'be' lotlhwI'pu', chobmey SeHbe'mo'.
Dop chobmey juSchugh, chobvo' lotlhwI' 'o' HIvlaH
jagh. Dop chobmey juSbe'chugh vaj von'egh
lotlhwI'pu'. ngugh vajar qech tob wanI'. chobvo'
yov negh chu'. yoD Sut tuQtaH 'ej vaQqu'. baQa'.
HoSchaj jeymeH to' lupoQbej lotlhwI'pu'.
yoD'eghmeH nechtaHvIS vajar, mu' Qoy:
«taDHa'wI'pu'!» jatlh vay'. va. QaS taD
taDHa'moHlI'chugh qImyal, vaj chaH ngejbe'bejpu'
ghutar quv rop'a'qoq 'ej Qu'mey quvHa' qawbe'mo' qImyal lutoy'qangchu'.[170]
Suvbe'choHpu' Qoreq, 'ach rIQbe'law'. ghopDajDaq
Hoqra'Hey tu'lu'. ghaHvaD jatlh vajar, baS jej,
nISwI' tIHmey je juntaHvIS, «Qoreq, chaH 'emvo'
DImermeH, jaS chobvetlh wInaw'laH'a'?»
jatlh Qoreq, «HIja'! HItlha'.» QIt
che'ronqoqchajDaq nech vajar, Qoreq je. HoDchaj
lutlha'choH Hota'ro' ghutar je. jeS luneH
latlhpu', 'ach «mIwvamvaD tlhoy law' vagh,» jatlh
Qoreq. rav lo'laH lojmIt ngaQHa'moHtaHvIS Qoreq,
luHub lotlhwI'pu'. «HInung,» jatlh Qoreq. lojmIt
vegh vajar ghIq loSlI'. choQ jojDaq Hurghchu' 'ej
QamlaHbe' vajar. joDqu'nIS. 'el Qoreq 'ej
DevchoH. lurghmey noHlaHbe' vajar 'ach jeQ Qoreq.
vajar tlha' Hota'ro': tamqu' Hota'ro'. Hota'ro'
tlha' ghutar: mu'qaDmey bach ghutar 'e' QoylaH
vajar, ghutar nach qIplaw'taHDI' rav'eq jeqwI'mey.[267]
---
SKI: vajar plays sniper for a bit, then asks
Qoreq for a way to ambush the fresh forces.
---
[272] On an editing reread I almost rearranged
this sentence so that the effect of vajar's shot
follows instead of precedes the fact that he took
it. But I like it the way it is. I think it
mirrors the confusion of battle that this woman
is dying before the reader is sure what hit her.
[324] Qoreq is the metal specialist whom you met
in engineering when qaH'eng snuck vajar in, back
when their main concern was getting *Dugh* repaired.
[267] Whenever I write a sentence of the form, "Y
verbed X then Z verbed Y," it seems to make so
much more sense in Klingon than English, because
in Klingon "X [wot] Y ghIq Y [wot] Z" you can see
the chain properly, here the verb is tlha' and
you can see X=vajar, Y=Hota'ro', Z=ghutar all
following one behind the other. In the English
they are all mixed up which just seems bizarre. How do we understand it!
[170] Frozen marines: it's a John M. Ford thing.
Storable, thaw-and-deploy troops. Not much in the
way of memories or knowledge of current events, though.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol