tlhIngan-Hol Archive: Sat Jun 16 09:09:33 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' cha'vatlh wa'maH wej: SID quv
This is part 213 of a story that Qov is writing. It's in Klingon. You
can write anything you want on this list as long as it's in Klingon,
and believe me, I do.
---
vajar sent his crew off to find out about crew sentiments on Warfare,
and intended himself to talk to some senior officers.
Content alert: someone is bleeding badly in this 'ay' but I do not
describe the wound inflicted, and the victim receives competent
medical attention.
213
SID quv
DorwI'DajvaD jatlhDI' vajar, "yaS wa'DIch vISuch vIneH," meH rI'
'avwI'. Such vajar net tuch. QIjbe'. Qonglaw'taHmo' ngaH, SuchlaHbe' je.
ya chupDI' vajar jatlh 'avwI', "qaH, yama' DaSuchnISqu'be'chugh,
DaSuchbe' 'e' vIqeS." bItqu' 'avwI' 'e' tu' vajar. Dujvam muStaH
vajar. yaSvetlh Segh qaw. may'Duj ra'chugh vajar, yaS'e' rI'vIpbogh
beq HoH. Qumqangbe'chugh DujvaD ghaqbe'.
tagha' jatlh vajar, "ropyaH vIghoS vIneH." ghochvetlh'e' laj 'avwI'
'ej lujaH. lu'elDI' loSlI' reghtaHbogh SuvwI', boQlI'bogh maqochDaj
je. rIQ SuvwI' 'uS. SevmeyDaq 'uy' maqochDaj 'ach 'Iw nIjtaH. tugh
SuvwI' rIQ tlhap Qel.
mejpu'DI' vajar DorwI', SID maqochvaD jatlh vajar, "ghaHvaD qaSpu' nuq?"
Hem maqoch. jatlh, "batlhHa' ra'ta' ra'wI'ma'. quvHa''eghQo'mo'
maqochwI', ta'Qo'. ra'wI' qaD. Suvchuq. luj maqochwI' 'ach ghaHmo'
Qu'vetlh quvHa' ta'Qo' wey naQ. tlhIngan maH. batlhHa' vanglu'taHvIS
quv chavbe'lu'. tagha' quvHa' Qu' 'e' chID je ra'wI'ma'. mochDaj'e'
qaDmeH mej."
"majQa'," jatlh vajar. "nuq 'oH Qu''e'?"
jatlh mang, "QI' pegh vI'angQo'." yaj vajar, 'ach qaSpu'DI' vagh lup
jatlh mang, "yuQDaq tlhIngan rewbe' juH wImeQmoHchu' net ra', 'oHDaq
QongtaHvIS tlhIngan. DaHarlaH'a'?" QeHchoH mang jatlhtaHvIS. jatlh,
"Qu'vetlh quvHa' ta'qangchugh latlh wey, qIvonDu'chaj Sopjaj Suy'!"
gharben cha' Dab wa' tlhIngan neH jatlhpu' 'eSSIm. qatlh 'eSSIm chot
neH qImyal? ghuHmoHlaH'a' vajar? qaStaHvIS lup rav'eq bej vajar. tu'
mang. jatlh, "ta' quvHa' vInaDHa'taHmo' bepchugh DaqwI' quvDaj'e'
nuDnIS jay'." lopno'qoqDajvaD jeS SID, maqochDaj je 'e' tlhob vajar.
chol Qugh Qel. "vajar HoD," jatlh, vajar lunuDba'taHvIS mInDu'Daj.
rIQbe'law'mo' vajar mIStaH Qugh. jatlh "qay' nuq?"
jatlh vajar, "jIHvaD QoymoHwI'mey nob qaH'eng. DaboQta', qar'a'?"
jatlh Qel, "HIja', wab chaDvay'mey SIghlu'pu'bogh vIngu' 'ej
teSlIjDaq rurqu'meH HotlhwI' ta lo'. DaparHa''a'?"
jatlh vajar, "Dun bIH! 'ach DaHjaj ram SIStaHvIS vIngchoH. chaq
Qapchu'be'. Dujmey law' DachIjpu'. Hoch vIQoynISbogh vIQoytaH 'e' yI'ol.
----
SKI: vajar gets his hearing checked and invites the doctor to his
"birthday" party.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol