tlhIngan-Hol Archive: Thu Jun 14 14:21:21 2012

Back to archive top level

To this year's listing

[Date Prev][Date Next][Thread Prev][Thread Next]

Re: [Tlhingan-hol] nuq bop bom: 'ay' cha'vatlh wa': jachtaH yelwIyyItngan pumtaHvIS DevwI'

Qov ([email protected]) 

At 14:34 '?????' 6/14/2012, ghunchu'wI' 'utlh wrote:

On Tue, May 29, 2012 at 10:04 AM, Qov <[email protected]> wrote:
> 201: jachtaH yelwIyyItngan pumtaHvIS DevwI'

cha' qech pImqu' DellaH <pum>.
per mIwwIj motlh Daghovbej 'ach DaHjaj jaS jIvang. pervetlh meq DaghovDI' HIjatlh. :-) 


> vIDmo' Mahoun, DevwI' HubrupmoH 'eSSIm.

lugh'a' <-moH>?


Hub'eghrupmoH vIchoHHa'law'. <HubrupchoH> vItam.


> jol ravDaq QottaH 'ej jachtaH
> Mahoun. bIng bejmeH tlhe''egh 'ej qabDaj So'meH DeS QaQ lo'.


<DeS pIv> vItam je.



DaH lImtaH 'e' baj. jonta' tlhIngan SuvwI'.


nungbogh 'ay'mo' <lImbe'> 'e' Datu'DI' jImon.


> chollI' Qa'bar,
> 'eSSIm ghonDoq QachtaHvIS. jatlh Qa'bar, "QaQ 'etlh. SoHvaD vISay'moHta' 'ej 
> vIjejmoHta'."

bochmoHwI' ghaH'a' yejquv joH'e'?


'oy'.


> 'eSSImvaD nobHa'. yay' 'eSSIm. ghonDoqDaj Say'moHta' yejquv
> DevwI'!

Dun wo' qar'a'?


'ay''a' Quch DalaDlI' jIjatlhpu', qar'a'?


> jejchu' 'ej Say'qu'mo' wov. qogh Say'moHta' je. jolpat rav lItHa'
> 'ej vaH Say'Daq ghonDoq jej lan. Mahoun chol Qa'bar. volchaHDaj HotDI'
> jachqu' yelwIyyItngan.

tlhaQ yelwIyyIt vIttlheghHey: "DabuQlu'DI', yIjach!"


jIHagh!  bIlughchu'. bIlughqu'chu' 'e' DaSovchoHDI' bIHagh je.
> Mahoun Hotbe'choH Qa'bar. jatlh, "choqawlaHbe' 'e' vIlIj, Mahoun. Qa'bar 'oH 
> pongwIj'e'. wejmaH ben qatlhabmoHta'."

toH. SaH vItna' Sovbogh nuv.
jInaS. jInaSbej. bong lutvam vInapHa'qu'moHpu'. yajmaH wa'logh neH laDlaHlaw' vay'. 'ach pupbe'mo' cha'logh laDchoHDI' Qaghmey tu' ... 


> qabDaj So'Ha' Mahoun 'ej ba'choH.

DaHjaj mumISmoHbe' <ba'choH>.


maj. vIlo'DI' reH qaqaw.


> jatlh, "chotlhabmoHta'? vaj choHevta'.
> DeSwIjvo' QIn pegh DaHevta''a'?"
>
> "qaHevta', 'a QIn ngaSpu'chugh SevmeylIjDaj,

qalchoHpu' mu'tlheghHomvam mIS. nISchuq <-lIjDaj> moHaqmey, 'ej <lu->
poQlaw' wot.


maj. potlhmo' 'ay'vam pIj vIlISnIS 'ej vIlISchu'be'ta' 'e' Datu'.


QIn luqeng Sevmey'e' 'e' Qub. De' 'aplo' tu'pu'be''a'?


Daj, qar'a'?


> nIHta' vay' vIHevpa'. nuq bop?"
> jatlh DevwI'.
>
> jatlh Mahoun, "jISovbe'. vay' DapIHpu''a'?"
>
> jatlh Qa'bar, "SoH qapIHpu'. bortaS vISuqmeH jIHvaD nInob yu'wI'pu'."[226]
> [226] Hmm, that's a little weird. You try picking a prefix for "They gave
> you to me."

taQbe' <nI-> DawIvta'bogh.


yabwIjDaq taQ. <Dochmey nInob> vIpIHmo', <SoH nInob> 'oSDI' muyevmoH.


> "bortaS? chay' bortaS SuqmeH tlhIngan jIboQlaH jIH?" jatlh Mahoun mIS.

"bIHeghlaH."


SIbI' qechvetlh tlhojbe'mo' Mahoun'e', tlhInganpu' yajchu'be' 'e' 'ang.


> "puqloDwI' Dachotlaw'pu'," jatlh Qa'bar.

ngugh Har'a' Qa'bar? pagh, qama' HevmeH neH yu'wI'vaD De' ngeb nob'a'?
jIlaDtaHqu'...


Daj qechlIj. vIparHa'. Do'Ha' lutwIj taQ law' qechlIj taQ puS.


> poSqu'choH Mahoun mInDu'. HawlaHbe'mo',

<Haw'> naQmoH qaghwI'.


maj.


> jolpat ravDaq ba'taH. QeHbe'law'
> Qa'bar. ngoDmeyHey jatlhlI' neH, "wejmaH wej ben, may'Duj *lotlhwI'*Daq,
> cha' 'avwI'pu' lommey, SoH je lItu'

moHaq qub vIlop!


jIH je!  SIbI' nItlhDu'wIj ghoSbe'chugh moHaq, qeqmeH 'eb vIlop.


> yu'wI', chamwI' je. Hughmeychaj
> mupqu'lu'ta'mo'

(The combination of {-lu'} and {-ta'} always triggers my "huh?"
reflex, even when it turns out to be as completely reasonable as this
does. I'll have to work on that.)


bImobbe'. <-nISlu'> cherghlaHbe' wa' nuv 'ej <-chenmoHlu'>mo' bep je 'op.


> Heghpu'. puqloDwI' ghaH wa' 'avwI'vetlh'e'. ravDaq bIQottaH.
> Qapbe'taHmo' bIghHa'Hom Hung qonwI', DaHoHlI' net bejlaHbe', 'ach pa' 'elpu' 
> pagh."

nub ghu'.


quSDaq bIba'.


> Mahoun bej 'eSSIm. DaHjaj 'eSSIm merbejpu'. tlhIngan mangvo' narghta'.
> QallaHchu'. yeb rIQqu' cherghlaH. DISDaq toSlaH. 'ach tlhIngan 'avwI' Hugh
> Qaw'laH'a' noDlaHpa' qochDaj? Harbe' 'eSSIm. qama' ralbe' ghaH jatlhpu'
> vajar. QuS'a'vaD jeS'a' vajar, Mahoun je?

wanI'mey quq QuS'a''oH lutvam naQ'e'! :-)


pIj tlhoy', 'eSSIm nach je vIngeQqu'chuqmoH vIneH. reH QuS pIHmo' rut Qubbe'.


> Har neHbe' 'eSSIm. QuStaH vajar
> neH. ghopDu'Daj nuD Mahoun ghIq Qa'bar bejqa'. ghopDaj rIQ QutlhtaH. Mahoun
> QorghmeH joD neH 'eSSIm, 'ach Qa'bar qagh neHbe'.

luqaghpu' 'eSSIm qechmey, 'ach vIpIchbe'.

> jatlhtaH Qa'bar, "SIbI' tuQDoq lo'ta' yu'wI' 'ach taghpa' yu'wI', SoHvaD
> tuQDoq lo'qu'law'ta' vay' 'ej yablIjDaq poHvetlh Qaw'chu'ta'. vaj nIteb
> Davangta'be' net Sov.

(tuQDoq chaw' ghaj 'Iv? bIjangnISbe'.)


chotwI' chaw' ghaj pagh.


> puqloDwI' HoHta'mo' qama'Daj'e' QoSqu' yu'wI'vetlh
> Qup. qImyal 'oH pongDaj'e'.

(vIt qImyal net 'ollaH'a'? bIjangnISbe'.)

> ghIbDI' mochDaj,

<ghIb> vIghovbe'mo' mu'ghom vIlo'nIS. Hu'tegh! qatlh not mu'vam
ngo'qu' vIqawlaH?


bIqawlaHchu'pa' vIlo'be'choHbe'.


> bortaS 'eb vItIvlaHmeH jIHvaD

loQ <bortaS DIb> Del TKW.


rap'a'?


> DungeHta'. mubchu'be'mo' mIwvetlh, DaHIjlu'taHvIS bIHeghpu' net qon."
>
> meHDaq chuSchoH QumwI' pat. jangmeH 'et ghoS Qa'bar.[236]

Do' 'ay' veb vIHevpu' 'ej SIbI' vIlaDlaHtaH.
Do'Ha' DaHjaj Qu'mey law' vIta'nIS lut vIbuSqa'laHpa'.


Qapla'.
- Qov 

_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol

Back to archive top level