tlhIngan-Hol Archive: Sun Jun 03 11:56:05 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' cha'vatlh jav: Hung tamey Sar
Essim has hooked her ancient translation machine to the councillor's
computer and managed to get the combination to read and display the
obsolete data format.
206: Hung tamey Sar
loQ vemchoH Mahoun. nogh 'ej vIng. chechqu'taH. De' cha'taHvIS HaSta,
ravDaq, Mahoun retlhDaq je ba'choH 'eSSIm. HaSta bejmeH chol Qa'bar.
qaStaHvIS lup puS ratlh mIn, ghIq 'avwI' HIp tuQtaHbogh loD lulegh.
machbogh pa' napqu'Daq ba'taH. jatlhchoH, "may'DujDaq *lotlhwI'*Daq
Hung ta loHwI' jIH. tarven 'oH pongwIj'e'. tlhIngan wo' vItoy'.
tuqwIj quvvaD jI'Ip: teH Hoch tavam De'. nIteb jIvang 'ej ngoy'be'
latlh Hung yaSpu'. Hung tameyvam vImuch. lut luDelbogh leghlaH Hoch."[290]
purqu' 'eSSIm. tarven qab ghovbe' 'ach 'eSSIm vav ngu'chu' pong, Duj,
yaH je. mIghbe'law'. DISruplaw' 'ej QuS temlI'. Hung ta wa'DIch
cha'choHlu'. Duj, Daq, HovpoH, qonwI' mI' je ngu' HaSta bIng. wejmaH
wej ben *lotlhwI'* bIghHa' yu'wI'pa' loSDaq qaSlI'. SaH qama' SuD,
cha' 'avwI'pu', cha' yu'wI'pu' je. jatlh Mahoun, "yaS wa'SISma' ghaH!
pongwIS ghaS." 'eSSIm ghop 'uch 'e' nID 'ach chechchu'mo' luj.
HaStaDaq puqloDDaj, latlh 'avwI', qImyal Sogh, qImyal moch je ngu' Qa'bar.
jatlh yu'wI' qan, "qama'vamvaD patlh loS yIlo'Qo'. cherghlaHbe'
QoghIj." qImyalvaD tuQDoq, qIghpej je nob. mej moch. qama' yu'choH
qImyal Sogh. pat Delta'bogh Mahoun lo': ghel yu'wI', mugh mughwI',
jang qama', mugh mughwI'. Dal, 'ach Mahoun 'oHmo' qama' pong'e' loQ
taQ. qama' joy'choHDI' qImyal 'utbe'choH mughwI'. vulqa'law'
Mahounna', 'ach pongDaj QoyDI' loQ jach.
pay' jachbe'choH qama'. yIntaH 'ej vulbe'taH 'ach chImlaw'. mu'qaD
jatlh qImyal 'ej nom jan lIS.
mon Qa'bar. jatlh, "patlh loS lo'law'ta'. lobHa'mo' bIj qotlh 'ach
vIqIchbe'. ngongqangtaHmo' po'choHta'. qaStaHvIS wejmaH wej DIS
puqloDwI' chotwI' ngu'meH ngotlhtaH qImyal. DachtaHvIS qaSmo',
DIvlaw'taHmo' tIqDaj. qorDu'wIjvaD vumtaH. DaH ghaHvaD loQ jImunlI'.
jIQapchugh tugh tlhIngan yejquv muv. bajta'. DevwI' pov ghaH."
ngajqu' ta cha'DIch. Hungpa'Daq jatlh qImyal Sogh, "yu'wI'pa' vaghDaq
Qap'a' Hung qonwI'?"
jang 'avwI', "wej Qap. loS yIlo', Sogh."
---
SKI: Interrogation room records saved by Essim's father show
then-Lieutenant qImyal disobeying orders and accidentally wiping a
prisoner's mind.
---
[290] In the interest of not making you scrabble through your memory
or past installments: the *lotlhwI'* is the Klingon battleship which
captured the ship where teenaged Mahoun worked as a janitor. He was
detained there and witnessed his own officers' torture before being
transferred to vajar's custody on the support ship. It is the ship on
which qImyal served as a young up-and-coming torturer, and where she
gained fame and political support through her heroic rescue before
the destruction of the vessel by saboteurs. tarven is 'eSSIm's
father, accused as one of the saboteurs and known to have hanged
himself to avoid torture.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol