tlhIngan-Hol Archive: Tue Jul 24 10:21:27 2012

Back to archive top level

To this year's listing

[Date Prev][Date Next][Thread Prev][Thread Next]

[Tlhingan-hol] nuq bop bom: 'ay' cha'vatlh loSmaH cha': cha' lupDujHommey

Robyn Stewart ([email protected]) [KLI Member] [Hol po'wI']

Here begins the twelfth and final 'ay''a' of the novel. It picks up immediately following the events of the tenth 'ay''a', and like all the even-numbered ones, mostly follows Mahoun.
We rejoin High Councillor Qa'bar, Warfare Assistant chief engineer Lt. qaH'eng, Warfare CMO Dr. Kruge, Yelwitan merchant captain Mahoun, and Mahoun's security chief Mossam all onboard Qa'bar's cruiser, which is parked on the surface of gharben II. Here's a recap on how they all got there: Qa'bar met 'eSSIm in the woods, then together they rescued Mahoun from the cave and retrieved tarven's message from its hiding place. Mossam beamed down and shot the place up, at which point Qa'bar called Warfare, reaching a lieutenant on the bridge, because qImyal was busy in her interrogation room. He asked for an engineer and Dr. Kruge to be beamed down, and the Warfare lieutenant complied with the councillor's request. The doctor authenticated tarven's message and treated Mahoun for his injuries and alcohol poisoning, saying that he should wake up soon.
Also I'm testing a new mail program, Thunderbird, so please let me know if anything seems different in a comment-worthy way. 

'ay''a' wa'maH cha' - bom HoS

214: cha' lupDujHommey
vulHa'DI' Mahoun, SaH 'eSSIm, Mossam je. qaStaHvIS lup puS mIStaH Mahoun ghIq qaw: bIQtIQ, DIS, yejquv Duy, HIq ... HIq law'. 'oy'qu' DeSDaj. 'oHDaq ghop lanDI' Mahoun, Sev tu'. «boSamta''a'?» jatlh. «HIja, bangwI'», jatlh 'eSSIm. yonlaw'. QIjrupbe'law'mo' 'eSSIm, ghelbe' Mahoun.
jatlh Mossam, «pawpu' cha' latlh tlhInganpu'. DaH naDev loS lutu'lu'. mejqa'pu'mo' Farsajii mamob.»
ba'choH Mahoun. quSDaq QongtaH Qugh Qel. De'wI'Daq Hung taHey bejtaH Qa'bar. Quchbe'law'. qagh tlhIngan be'. jatlh, «joHwI', DeghlIjvaD bobcho'vam vIlISmeH nuH pat, So'wI', qa'vIn vutwI' je vIrarHa'nIS. jIvumtaHvIS QaptaH noch, HotlhwI', jolpat je.»
pe'vIl jatlh Qa'bar, «qa'vIn neH'a' vay', patmey rarHa'pa' qaH'eng?» neHDI' pagh, ghIb Qa'bar. 'o' pa'Daq vum qaH'eng ghIq meHDaq chegh. qu'qu'be'law' 'a DughtaH Mossam. SeHlaw laghta' jonwI' 'ej bobcho' jomlI'. Dajmo' Qu', bejtaH Mahoun. jonwI' boQtaH 'eSSIm.[297] loQ ghum wIy. veS retlhDaq So'Ha'pu' lupDujHom. wIy maQmey QIj Qa'bar. lupDujHom, veS je rI' 'e' nID 'ach jang pagh.
«QaptaH QumwI' patlIj'e'. chaq QapHa' veS QumwI'. vIrItlu'DI vIlISlI'», jatlh qaH'eng, SeHlawDaq nachDaj tu'lu'taHvIS. botjan chu' Qa'bar. pay' lupDujHom ngu' pat. jatlh Qa'bar, «qImyal Duj!» nom chollI' lupDujHom 'ej Hov matlhDaq SumchoHDI' nISwI' talmey baHchoH. ba'qu'mo' qaH'eng, nachDaj qIp. 

jatlh Qa'bar, «nuHmey Dararqa'meH poH 'ar DapoQ?»
jatlh qaH'eng, «loS tup, 'ach ... vIrarqa'taHvIS botjan chu'Ha'nISlu'taH.» noDlaHbe' Hov matlh. botjan wewchoHmoH qImyal nuHmey. botjan lujIHtaH. HoSmoHmeH vumtaH qaH'eng 'ach loQ SabtaH. tamtaH Mahoun 'ej QunDajvaD qoy'taH.
qImyal Duj Hotlh Qa'bar. SaH cha' nuv. jatlh Qa'bar, «SaHlaw' Sa', baHwI' je.»
jatlh qaH'eng, «'utbe'bej baHwI'. tlhoS 'or'egh Dujvetlh. ghaytan 'avwI' le' ghaH.»
latlh Duj cha'choH wIy. veS lupDujHom motlh 'oH. 'oHDaq wa' nuv tu'lu' 'ej choltaHvIS baHbeH nuHmey. jatlh qaH'eng, «QI'yaH! cha' DI'omlaHbe'bej.»
laQ lupDujHom cha'DIch nISwI' talmey 'ach Hov matlh mupbe'. qImyal Duj 'o' mup. Hov matlhDaq Quchmo' jach vagh nuv. noDchoHDI' qImyal jach 'eSSIm neH. lupDuj cha'DIch qIpbe'pu' qImyalHey tIH. 'eSSIm Du' qach qIppu' 'ej meQchoH. «tIrwIj'e'!» jatlh 'eSSIm. 
--
SKI: Mahoun wakes up in time to witness an attack on the Loyal Star while the coffee maker and other important systems are offline. 
--
[297] Oh scenes from my life. I am at this very moment sitting in a maintenance hangar while people disassemble my airplane in order to repair it. I'm only on the computer right now instead of watching and doing mundane helper tasks, because I'm downloading the aircraft service manual. Presumably qaH'eng has one of those on a HUD or something. 

_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol

Back to archive top level