tlhIngan-Hol Archive: Sun Jul 22 09:13:58 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' cha'vatlh loSmaH: Hota'ro' bortaS
The story shifts point of view characters, for
reasons that should be reasonably evident from
last 'ay'. Also, second reminder, this was
previously numbered 238. Renumbering means that
237 and 238 don't exist on the mailing list.
CONTENT: nightmare-fuel extreme dismemberment.
240 : Hota'ro' bortaS
veSDaq gharon porgh 'uytaHvIS HIchDal lojmIt,
bejtaH Hota'ro'. jach gharon porghDaj chevtaHvIS
lojmIt, ghIq tamchoH 'ach yIntaH 'ej poStaH
nujDaj. poStaH je Hota'ro' nuj. gharon 'IvtIHDu'
Sangchu'pu' lojmIt 'ugh. Huj wanI'. chIch lojmIt bIng ghoSlaw'ta' gharon.
nach pep gharon 'ej jatlh, «qatoDta'. DaHjaj loD jIHqa'.» mon.
vIHlaHtaHmo' gharon 'ej jatlhlaHtaHmo', Hota'ro' SupmoH. jatlh, «loD bID SoH!»
jatlh gharon, «meHDaq qaHIvDI' loD bID vImojpu',
Hota'ro'. quvwIj vISuqqa'meH Hoch Qu' QobvaD
jISaptaH. jIvaQqu'mo' 'ej jItoy'chu'mo' 'avwI'
le'vaD vIwIvlu'. jInIDtaH 'ach quvHa'ghachwIj
qIllaHbe' toy'chu'ghach. mIghwI' vImojpu'.
qabechmoHta'mo' DaH jIbechtaH.» HemtaH ghoghDaj. tlhoS bepDaj 'angbe'.
HIpDaj lISmeH vIHDI' gharon ghop, Hota'ro'
jotHa'qu'moH. ghu' qelqangbe' Hota'ro'. lupDujHom
tIjlI' vajar 'e' qelchoH. jatlh,
«lupDujHomvetlhDaq qImyal tu'lu''a'? nuq ghoSlI'?»
«Sa' QeHqu'moH nuv jIHtaHbogh. HoHmeH mejlaw'»,
jatlh gharon. yejquv Duy Daqbogh mang QeH qaw
Hota'ro'. rIpDuy Duj tI'lI'bogh qaH'eng qaw je.
qImyal mevnISmoH vay'. Hota'ro' qech yaj gharon.
jatlh, «Qob Dujvetlh. Qapla'.»
bechqu' gharon. SIbI' HeghlI'be'. chaq loD bID
toDlaH Qel.[294] loDvam muSpu' Hota'ro'. not
ghongDaj lIjlaH. Sanvam qab law' bortaS'e'
nablaHbogh Hota'ro' qab puS. not Hota'ro' Hotqa'
loDvam neH Hota'ro' 'ach DaH gharon ghopDaq
ghopDaj lan Hota'ro'. jatlh. «gharon. pung Dalajqang'a'?»
jatlh gharon, «chonobqangmo' Quch HeghwIj.» ghIq
nom luHoH Hota'ro' ghopDu' 'e' laj gharon.
gharon HoH Hota'ro' 'e' leghDI' cheghlI'bogh
lotlhwI', jatlh, «maj. QavwI' ghaHlaw'. Hoch
'avwI'pu' le' DIHoHta' 'ach narghlaw'ta' qImyal.»
qImyal Duj So'lu' QIj Hota'ro'.
jatlh lotlhwI', «va! lupDujHom le' ghajpu' 'e'
vISovbe'. QumwI' pat Sengmo' DaH lutlha'laHbogh
lupDujHom 'orwI'pu' DIghuHmoHlaHbe'.»
jatlh Hota'ro', «'orwI' jIH.» lupDujHom choQ
lughoSmeH qetqu'. lupDujHom puvchoHDI' Hota'ro',
loS Dujmey tu' noch. naDev SaHba' veS, Dugh je.
yuQDaq Sum qImyal lupDujHom, latlh je. DeghvaD
lurgh wIvta'DI' Hota'ro' nom Dujmeyvetlh ghoS.
---
SKI: Hota'ro' takes vengeance on gharon and now heads for qImyal.
---
[294] It's quite remarkable what a person can
survive, even if they aren't a Klingon. I wanted
to make sure gharon's level of cogency was
medically plausible. It is. Don't follow these
links or Google "cut in half and lived" if you
don't want to be as freaked out as Hota'ro'.
There are videos out there of people cut in half
and moving around more than I could plausibly
have gharon do. It's a case of life outweirding fiction.
<http://today.msnbc.msn.com/id/26834245/ns/today-today_news/t/man-cut-nearly-two-train-life-good/#.T71v1txSTRg>http://today.msnbc.msn.com/id/26834245/ns/today-today_news/t/man-cut-nearly-two-train-life-good/#.T71v1txSTRg
http://www.liveleak.com/view?i=4e5_1323921732
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol