tlhIngan-Hol Archive: Tue Jul 03 09:44:22 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' cha'vatlh cha'maH chorgh: maghlu'
At ngaH's insistence, qaH'eng beamed out to the
councillor's ship, leaving qoreQ to remove vajar and crew from engineering.
I have changed the other engineering lieutenant's
name from Qoreq to the canonical qoreQ, as there
was no reason to make it different. I had
misremembered it the first time I used it and
then continued for consistency, but you know this
is a draft, and what else is 'search and replace' for?
No gory content.
228 maghlu'
«DaH», jatlh qoreQ. «tlhIH. nuq boghoS?» nab Del
vajar. jonwI' choQ luDoQmeH lotlhwI'pu', veQ lI'
choQDaq vajar QollaH qoreQ 'ej chaHvaD ghu'
QIjlaH vajar, Hung HotlhwI'Daq jIHtaHvIS
Hota'ro', ghutar je. muD rIlDI' vajar, jonwI'
choQDaq lotlhwI' ghom lujol. nab laj qoreQ.
jolpat ravDaq gho' vajar. nISwI' beH, betleH je
qemtaH vajar[274], 'ach lotlhwI'pu' HIvmoHbe'meH
DubDajDaq beH qem 'ej ghopDajvo' HuStaH neH
betleH. jolpat SeHlaw buS qoreQ 'ej leQmey law'
'uy. tagha' vajar leghlaHghach wewchoHmoH jol 'ej ngoSchoH pa'.
ngoSHa'lI' chob chIm. lurghDaj wIvmeH 'IjchoH
vajar. ghaH tlhopDaq ghoghmey QoylaHmo' DuvchoH.
lotlhwI'pu'vaD jatlhrupmeH pur vajar. Huj. may'
larghlaHbe'. chaq chobvamvaD jaS 'el muD ngeb.
vajar retlhDaq pum vay' mach. ngu'laHpa' vajar,
jor. wovqu'choHmo' chob, leghlaHbe'. pe'vIl
muplaw'mo' muD tlhoS tlhuHlaHbe'. nom chob lu'el
negh law'. 'omqu'bej vajar 'ach chIch
Hub'eghrupbe'pu'mo' lujchu'. vulchoH. mInDu'Daj
poSqa'laHDI', joy'wI' pa'Daq ghaHtaH. vajar
'emDaq yebDu'Daj tay'moH tlhoy' rarbogh mIrmey
Qey'e'. DaSmey tuQbe'taH. ngIbDu'Daj rartaH je
mIr, 'ej rav rar. 'oy'choH volchaHDu'Daj.
ngaQHa'moHwI' wab Qoy. poSmoH lojmIt 'ej 'el
qImyal Sa'. quSDaq ba'choH Sa'. vajar bejchoH
Sa'. tlhoy' bejtaH vajar 'ach Sa' leghlaH.
jatlh qImyal, «qanoHHa'pu', vajar HoD. qIQmeH
yaSpu'wI' DaponlaH 'e' vIloybe'. 'et tach boQaw'pu' ja' HungpInwI'. bIHem'a'?»
'et tach SaH'a' Sa'? QaSDaj nawlogh luQaw'ta' je.
jatlh vajar, «qIQchoHmeH vIponbe'. qIQrup chaH. 'eb vInob neH.»
jatlh qImyal, «QupwI'pu'vaD 'eb Danobmo' loQ
bInoy. pIj nInaD nItoy'pu'bogh beqpu'.»
noy'a' vajar? machmo' Dugh 'ej pIj Dalmo'
Qu'meyDaj, reH vajar toy' beqpu' Qup, beqpu''e'
lajHa'ta'bogh latlhpu' je. ghojmoHtaH vajar.
ghojmoH 'e' tIv 'ej ghojwI'pu'Daj SaHqu'. pIj
Dujmey potlh toy'choH, vajar toy'pu'DI'. chaHmo'
Hem vajar. jatlh «vIvuvmo' 'ej vIghongbe'mo'
batlh mutoy'.» mIwmeyDaj ghojwI'pu'Daj je DelmeH
vajar yu'choH qImyal. peghmey bIHbe'mo' jatlhqang
vajar. 'op mIwmeyDaj Ho' qImyal. 'oy'taH vajar
volchaHDu' 'ach ghu'vam SIQlaHbej.
----
SKI: vajar is not beamed to the location he described.
----
[274] He's like the hero in a video game. He can
carry an implausible number of large weapons
without it affecting his ability to precipitate mayhem.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol