tlhIngan-Hol Archive: Sat Jan 14 06:04:49 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh cha'maH Soch: <tIjwI'ghom>
<html>
<body>
vajar concluded that Hota'ro' is ornery but not a saboteur.<br>
----<br>
127: tIjwI'ghom<br><br>
De'wI' pa' lojmIt poSqa'moH vajar 'ej pe'vIl jatlh, ?Supumchuqbe'meH
Sajatlh: wa'Hu' Sojpa'Daq tlhIHtaHvIS bong jIDaq.? mIS 'avwI'pu'. yajchoH
ghutar.<br><br>
jatlh ghutar, ?tach wIghoS, chetlhej'a'?? <br><br>
?majQa'!? jatlh vajar. Qochbe' Hota'ro'. DevchoH 'avwI'pu'.<br><br>
wovchoH 'avwI' Qupbe' QumwI'. jang. jatlh ?HIja'. De'wI' pa' loSDaq chaH.
DItlhejtaH.? 'Ijqa'. jatlh ?lu'.? QumwI' SoQmoH. jatlh ?DaH jolpa'Daq
reDor.?<br><br>
?tach vImaS,? jatlh vajar. <br><br>
?nuqDaq wIghoS? yuQ wIpawpu''a'?? jatlh ghutar. <br><br>
?jolpa' wIghoS,? jatlh 'avwI' Qupbe'. tamchoH ghutar.<br><br>
jolpa'Daq SaH latlh yaS. jatlh, ?Dujraj lulaghpa' jonwI'pu' Dochmeyraj
puS botlhap net chaw'. latlh Dochmey pol jonwI'pu' 'e' lunID 'ach
le'chugh vay' DaH yIQorgh. Som lu'olpu' jonwI'pu'. Duj naQ
bonaw'laH.?<br><br>
?yaj,? jatlh vajar. jol rav lulIt. SeHlaw ruQ yaS 'ej *Dugh*Daq chegh.
He'So' jolpa'. pa'meychaj ghoSmeH lojmIt cha' lupoSmoH ghutar Hota'ro'
je. lojmIt wa' poSmoH vajar. meHDaq rav bID poSmoHlu'pu' 'ej jonwI' luch
Sar tu'lu'. HoDpa' 'el. HochHom nuHmeyDaj tuQtaH. ratlhwI'mey puS tlhap.
QongDaq vIHmoH. wa'maH jav ben pa'vam DabchoHDI' vajar, QongDaq 'emDaq
nungbogh HoD pong tu'pu'. 'oH bIngDaq pongDaj'e' ghItlhbe'pu' vajar.
HeghDI' DeghwI' yoH, tlhoy'Daq DeghwI' pong ghItlhpu'. DaH tlhoy' memDaq
SaH wejmaH Soch pongmey. chaq muj natlIS. wa' Hutlh. pu'HIchDaj lel vajar
'ej latlh pongmey bIngDaq 'ungya pong ghItlh. batlh Heghpu' neghvam.
tIjwI' ghommey QobvaD jeStaHvIS Heghpu' HochHom. ngoy' vajar not 'e'
lIjbe'. HalDaq QongDaq tatlh. betleH, Ho' teywI', nIvnav je yIrpu'DI',
jolpa' ghoS.[182]<br><br>
jolpa' pawDI', pa' betleHmey qengtaH ghutar, Hota'ro' je. jatlh ghutar,
?tIjwI'ghom wIrur.? baQ 'ej jIr. <br><br>
?bIHojbe'chugh latlh qogh Dachev,? jatlh vajar. Hagh ghutar 'ej betleH
roQ. jatlh ?latlh 'aHwIj vISuqnIS,? 'ej lojmIt cha' poSmoH.<br><br>
jatlh vajar, ?Hota'ro', HItlhej. chaq mIch vaghDaq vay' wIpoQ.? 'aHchaj
luroQ 'ej ghutar lutlha'. mIch vagh lu'el. jonwI' luch nuDchoH vajar.
jatlh, ?naDev DaqlaH pagh. DaH wIchqoqvetlh yIja'.? <br>
----<br>
SKI: The crew beam back to *Dugh* to collect personal possessions.<br>
----<br>
<font face="Times New Roman, Times">[182] Someone may argue that the Ho'
teywI' is just a Terran item, but teeth are important to Klingons. I
think they have some associated personal hygiene.<br>
</font></body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol