tlhIngan-Hol Archive: Fri Jan 13 06:16:17 2012

Back to archive top level

To this year's listing

[Date Prev][Date Next][Thread Prev][Thread Next]

[Tlhingan-hol] nuq bop bom: 'ay' wa'vatlh cha'maH jav: <vuv 'a tlhoch>

Qov ([email protected]) 

<html>
<body>
Hota'ro' paused in her explanation to look at the ceiling.<br>
---<br>
<div align="center">126<br>
vuv 'a tlhoch<br><br>
</div>
jatlh Hota'ro'. ?ghutarvaD ... wIch tIQ vIja'. HoD HoHbogh yaSpu' bop.
vIHarbe'.? yev Hota'ro'. nepchoHpu'. rav'eq lurghDaq vIHqa' mInDu'Daj.
yaj vajar.<br><br>
jatlh Hota'ro'. ?moch HoHmeH, nISwI' beH lo' neHbe' ghutar. jatlh
&lt;betleH vImaS&gt;. Qu' quvvaD nuH quv lo' neH. jatlh &lt;betleH lo'
qeylIS, HoDma' je&gt;. rIQtaHvIS DeSlIj betleH Dalo'taHmo' DuHo'.
DuHoHpu'chugh 'ungya, HeghbatvaD 'ungya wIboQnIS,? yevqa' Hota'ro'.
bItbej. <br><br>
jatlh vajar, ?yIja': 'urmang bonablI''a'?? <br><br>
jatlh Hota'ro', ?ghobe'. 'e' vI'Ip!? 'Ilqu'law'.<br><br>
jatlh vajar, ?maj. wIch yInop. yIja'chu'.? <br><br>
jatlh Hota'ro', ?jIHvaD &lt;HoD DagheSrup'a'?&gt; jatlh ghutar.? temmeH
moD Hota'ro'. jatlh, ?jIjangpu'Qo', HoD. ghutar DaSov. quv batlh je bop
yIn 'e' Har. moSnIStaH ra'wI' 'e' yajbe'. wa'maH wa'Hu' novvetlhvaD
DajatlhtaHvIS DuHoHrup 'e' Daqaw. pe'vIl ghaHvaD jIjatlh. jImatlh
jIjatlh. HoDma' vItoy'chu'. vIponta' 'e' vIHar. ngugh ngaQchoH
lojmIt'a'mey 'e' wIQoymo' DInuDchoH. chaq muyajHa' ghutar. jImatlh 'e'
vI'Ip. matlh je ghaH. nuq jatlh?? <br><br>
Qub HoD. nIbbe' lutmeychaj mu'mey 'ach rap qechmey. nIbchugh QuS rurba'.
jaS wanI' luqaw 'ach vItlaw'. nepchugh Hota'ro', nep je ghutar. QuSchugh,
po'qu' QuSwI'pu' 'ej DevwI' Seng qotlh. Hota'ro' 'emDaq De'wI' chutmey
cha'taH HaSta. jatlh vajar, ?yo' chutmey boQulchu'ta''a'??<br><br>
jatlh Hota'ro', ?HIja'. lI'be' qechmeymaj. toy'beHbe'mo' Duj, DaH yaS
wa'DIch DaSugh net tuch.? De'wI' chu'Ha'.<br><br>
chutvetlh Sovba'pu' vajar. wej yaS wa'DIch chu' qelqu'ta'.
&lt;muvoqchu'bogh jup vIvoqchu'bogh[107] vIwIvnIS&gt; 'e' Qub. Heghpu'
HochHom juppu''e' voqbogh vajar. lI' yaS wa'DIch laHmey, Sov je, 'ach De'
ghojlaH. voq 'e' ghojlaHbe' vay'. Hub'eghmeH Heghchugh HoD, pagh HoD
HubmeH qIQchugh beq SuvnISlaHchu' je. jatlh vajar, ?*Dugh* tI'lu'taHvIS,
Qochbe'bogh yaS vInej.?<br><br>
jatlh Hota'ro', ?HoD jIHchugh, Qochbogh yaS wa'DIch vInej. vuDmeywIj'e'
vISov.?<br><br>
mon vajar. QochtaH 'e' tIv Hota'ro' 'a qIQbe'law'. chaq muj Sa'.<br>
---<br>
SKI: Hota'ro' is as difficult as ever, but captain vajar doesn't think
she is conspiring against him.</body>
</html>

_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol

Back to archive top level