tlhIngan-Hol Archive: Tue Jan 10 07:42:35 2012

Back to archive top level

To this year's listing

[Date Prev][Date Next][Thread Prev][Thread Next]

[Tlhingan-hol] nuq bop bom: 'ay' wa'vatlh cha'maH wej: <QaynIS>

Robyn Stewart ([email protected]) [KLI Member] [Hol po'wI']

<html>
<body>
Welcome to the 125th installment in what will probably be the first
full-length Klingon novel.<br><br>
Captain vajar told ghutar that his enemy was regulations, and not someone
he could fight or persuade.<br>
----<br>
123<br><br>
jatlh ghutar, ?HoD, Hoch nuHmeywIj Daqelchu'be'ta'. nujeymeH yo' chutmey
yanchugh vay' vaj yo' chutmey DIQachnISchu' maH.? De'wI' tlhopDaq ba'choH
ghutar 'ej jIH chu'. Duj De'wI'Daq Duj patmey, QI' De' joq naw'laHbe'ba'
SuchwI' 'ach peghbe' wo' yo' chutmey. nom Se'vIr Sam ghutar. qen Hung
chutmey HaDta'mo' buvmeH pat Sovchu' vaj Duj loHmeH chutmey chIjlaH je.
laDchoH.<br><br>
jatlh ghutar, ?naDev &lt;beq 'utbe' QaynISlu'&gt; ghItlhlu', 'ej naDev
&lt;beq 'ut perlu'taHvIS, Qav HoD wIv&gt; vIlaD. ma'ut, qar'a'??
Hemba'.<br><br>
Hob vajar jatlhtaHvIS, ?tlharghDuj tI'lu'taHvIS 'ut HoD jonwI' je neH.
'ay' vaghmaH wej vI' wejDaq tetlh tu'lu'[71]. ghutar lagh, qaStaHvIS
yInlIj naQ wo' vergh leH vIloHpu'. chutmey vISovbe' 'e'
DaHar'a'??<br><br>
jatlh ghutar, ?reH 'eb tu'lu', HoD.? chutmey laDqa'. ghutar retlhDaq joD
Hota'ro'. HaSta lulaDtaHvIS ja'chuq.[77]<br><br>
latlh quSDaq ba'choH vajar 'IjtaHvIS. Hota'ro' ghutar je tung chutmey 'ej
tungHa', laDtaHvIS. ghutar ghogh Sey QoylaHchu'. motlh Hota'ro' ghogh
Qoybe' 'ach chutmey Sovchu'mo' mu'meyDaj loylaH. quSDajDaq tlhe''egh
ghutar 'ej jatlh, ?HoD, maSuvtaHvIS qarIQmoH 'e' Dachaw'qang'a'??
<br><br>
jatlh vajar, ?bIghHa'Daq bIQay DaneH'a'?? <br><br>
jatlh ghutar, ?ghobe'. ropyaHDaq SoHtaHchugh 'ej yaS wa'DIch gheSpu'chugh
Hota'ro Sogh vaj *Dugh*vaD 'ut ghaH 'e' DamaqlaH.?<br><br>
Hagh Hota'ro' 'ach Haghbe' vajar 'e' tu'DI' SIbI' Haghbe'choH.
ghIjlaw'pu' vay'. chaq vay' 'angvIp. Sojpa' QuSHey qaw vajar. yabDaj
nISpu'mo' tar chaq qawHa' 'ach HoD HoH ngugh 'e' luqellaw' ghutar
Hota'ro' je.[87] Qam 'ej lojmIt poSmoH. jatlh ?chobvamDaq puchpa'
tu'lu''a'??<br><br>
jangrupba' Hota'ro' 'ach nom jatlh ghutar. ?HIja'. Duj pu'jIn vIHaDta'.
qaDor.? Qam 'ej HoD tlhej. Hota'ro'vaD jatlhmeH ghelta' vajar 'ach
ghutarvaD jatlhnIS je. chobDaq jatlh ghutar, ?HungpInlI' jIHmo' latlh
DujDaq maHtaHvIS qa'av.? <br><br>
morghmeH poSchoH vajar nuj 'ach qImyal Sa' luDech 'avwI'pu' 'e' qaw.
jatlh, ?QuSmey Dabot'a', HungpInwI'??<br>
----<br>
SKI: ghutar and Hota'ro' try to find a loophole in Imperial Fleet
Regulations.<br>
----<br>
<font face="Times New Roman, Times">[71] Yeah, I've definitely gotten to
an exciting part of the story. Three Klingons are in a computer room
looking up Imperial Fleet Regulations. The reason they say ?write what
you know? must be that no matter what you try to write, you'll end up
with what you know, so you might as well aim there. <br>
[77] At this point I had the kids looking up the regs and was asking
myself, ?What is vajar doing?? I couldn't shake the idea that he was
updating his Facebook status: Captain vajar just checked in on the
Battleship *veS*. ?Kradge tail with a side of fresh gakh for dinner.
Chillin' on the big ship while I get some repairs. Maybe I'll get the
disruptor canons upgraded while I'm here.? And then he kills twenty
minutes playing Farmville. Hmm. No? Better rethink that one.<br>
[87] 'ay' chorghmaH chorgh/chorghmaH Hut:
</font>
<a href="http://nuqbopbom.blogspot.com/2007/05/chorghmah-chorgh-qaq-betleh.html";>
http://nuqbopbom.blogspot.com/2007/05/chorghmah-chorgh-qaq-betleh.html</a>
 <br><br>
</body>
</html>

_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol

Back to archive top level