tlhIngan-Hol Archive: Wed Jan 04 10:28:06 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh wa'maH Soch: <'uQ>
vajar had loaded up his plate in the cafeteria of the battleship
Warfare and had spotted his helmsman arriving.
---
117 - 'uQ
ba'choH vajar. qagh SopchoH. jatDaq noghtaHvIS qagh Dunqu' 'ej Ho'Du'
jojDaq HoHDI' 'eyqu'. pup ghevI': tlhorgh 'ej jeD. gharghmey
Sopchu'pu'DI' ghevI' 'ep je. ghun Ha'DIbaH 'ej DuQchu' Qaj tlhuQ.
tugh vajar tlhej Hota'ro'. Soj QaQ SoptaH 'e' tIvba' je. QI' HIp
yIvbeH tuQtaH. mongDechDaq *veS* Degh, Sogh Degh je lucha'lu'. bejtaH
HoD 'e' tu'DI' yev. jatlh, "nuq?"
jatlh vajar, "HIplIj vIlegh."
jatlh Hota'ro', "yIvbeHvam munojta' parmaqqaywI'. *veS* beq
vImuvqa'be'pu'. *Dugh* vItoy'. 'ach Sogh jIHlaw'." SuchwI' chaw'Daj
much Hota'ro'. jatlh "QI' tawIjDaq Sogh jIH qonlu' net ja'. Qagh
DaqarnISmoH, HoD."
Heghlaw'taHvIS be' numpu' vajar. qorDu'vaD Hoch Huch bajbogh ngeHtaH
Hota'ro'. Sogh ghaHchugh, HeghDI', Huch Hev qorDu'. vuppu' 'e' chID
neHbe'mo' jatlh vajar, "jIchechtaHvIS bong qanumpu'." pop
bajbe'law'pubogh Hevmo' Quchbe' Hota'ro' 'e' legh vajar. jatlh, "chaq
lI'. DabajmeH yIvum."
ghutar ghogh luQoy. SopwI'pa' lu'el ghutar, negh law' je 'ej Quchlaw'
Hoch. chechbe' 'ach Sey 'ej jatlhqu'. ghutarvaD jatlh luneHlaw'. HoD
leghDI' ghutar, van, tebwI' yaH ghoStaHvIS ghom.
Hota'ro'vaD jatlh vajar, "chay' naDev law' ghutar juppu'?"
jatlh Hota'ro', "ghaytan DaHjaH neH luqIH. ghutar laH Datu'ta'be''a'?
DutlhejtaHvIS ghutar bIquvqu' 'ej bIpotlh 'ej potlh je tuqlIj naQ 'e'
DaHarlaH, qar'a'? tlhoS loDHom ghaH 'ach SaHtaHvIS bIquv 'e' Datob
DaneH. batlh vang Hoch 'e' Harqu'mo', nuvpu' pIlmoH. SaHtaHvIS tlhoS
batlhHa' vanglaHbe' vay'."
Qub vajar. reH vuvqu' ghutar 'ej HoD quvmoH 'ach laH le' 'oH'a'?
ghutar qIHpu', loH qach 'avtaH. mu'mey puS jatlhpu' ghutar 'ach SIbI'
mang parHa'pu'. quvba' 'ej toy'qang. ghutarvaD jatlhpu' vajar,
"tlharghDujDaq bItoy' DaneHchugh *Dugh*Daq yIQay. ponglIj vIleghDI'
qalaj." lughlaw' Hota'ro'.
chuSqu'choH SopwI'pa'. QamchoH 'op nuv 'ej qevchuqtaH. ghutar pong
Qoyqa'. raSDaq QamchoH loD 'ej jachchoH. QoymeH tamchoH pa'. jatlh,
"ghutar, yurIH puqloD, qaSpu'DI' wa' rep naDev qaSuv! betleHlIj
yISuq!" SeychoH qev.
----
SKI: Hota'ro' discovers she's been promoted and someone issues a
challenge to ghutar.
----
Anything not make sense here? Events tied to here have been edited a
lot, so it's possible I made an error somewhere. I didn't tell you
what precisely vajar was doing to Hota'ro''s record as she was
"dying." Surprise promotions seems to be his thing. It kind of makes
sense, really. But you don't know about that, yet. Damn, I'm having
waaaay too much fun.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol
![[KLI Member]](/pics/KLImemberbutton.gif "[KLI Member]"){kind=small}
![[Hol po'wI']](/pics/level3_big.png "[Hol po'wI']"){kind=small}