tlhIngan-Hol Archive: Wed Feb 01 19:12:38 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh loSmaH cha': <quv qa'meH>
Essim decided to see if a workout would make her headache go away.
142
quv qa'meH
ghonDoq lel 'eSSIm. yanchu'meH lojmIt poSmoH 'ej Hur ghoS. QumwI'
qem. Qamchu' 'ej muD DuQchoH. reDDaq DoS wIv 'ej DuQ. DIng'egh ghIq
DoS DuQqa'. latlh ghopDaq ghonDoq 'uchchoH 'ej DuQqa'. yavDaq QotchoH
ghIq SIbI' Hu' 'ej DuQqa'. qelI'qam bID 'abbogh He ghoS qetqu'taHvIS,
ghIq tlhe'egh 'ej qach ghoSmeH qetqu'taH. pawDI' DoS qIpqa'.
'oy'taHmo' vIlchoH ghIch 'ej wuS pepmo' Ho'Du' 'ang. DoS 'eS wIv 'ej
qeqqa'. lubejtaH 'op Sungpu' 'e' Sov 'ach SaHbe'. qeqtaHvIS 'eSSIm
pIj lubej 'ach not chol. maghwI' ghaHmo' 'eSSIm vav, QI' muv 'eSSIm
net tuch, 'ach SuvwI' laHmey qeqtaH. chaq wa' jaj Qang toDmo' 'eSSIm
naD yejquv. chaq Heghbe'pu' vavDaj 'ej wa' jaj chegh 'ej tay'taHvIS
tlhIngan jaghpu' HoH. puq qechmeyvetlh Dogh qIlmeH Suvqu' 'eSSIm. qet
'ej ghonDoq yan 'ej ray' qIptaH.
tlhuch'eghpu'DI' qachDaj 'elqa'. nachDajDaq vavDaj qab Hem legh neH,
'ach qabDaj qawlaHbe'. 'IQmoH. vav mIllogh polbe'pu'. pIj tlhIngan
DujDaq raQpo' 'aH nuD Hung. maghwI' mIllogh qengchugh rewbe' pIHqu'.
vav HIp, rolDaj je qawlaH 'ach qab qaw 'e' nIDDI' ... pagh legh.
cheghchugh ghovbe'. "Heghpu'! not chegh!" ja''egh 'eSSIm nen 'ach
tultaH be'Hom. ravDaq QotchoH 'ej nach 'uch. vav qab ngaSbe' 'ach
'oHDaq ghoSlaw'taH tep lupwI' mIr.[121] Dargh wIb tlhutlhpu'DI' Dub.
ngugh wa'leS[123] wej jangpu' maHun. jangpu' 'e' pIH 'eSSIm. qa'meH
vIttlhegh lajchugh wanI' buSHa' 'ej lengDaj DellaH. lajHa'chugh vaj
QeH pagh tIch 'ach jangnIS. lumbe'nIS. boHchoH 'eSSIm. QubchoH.
qa'meH vIttlhegh lo'pu''a' Mahoun? qawlaHbe'. puj HIch lo'pu'mo'
tlhIjqu'pu' 'ej qoy'pu'. chaq qa'meH vIttlhegh qech Sovbe'. chaq yajbe' neH.
varSajIy rI'qa'. jang be' rap. mughwI' chu'meH be' loS 'eSSIm 'ach
'eSSIm bejtaH neH be'. 'eSSIm leghvIplaw'. boHchoH 'eSSIm. jatlh
"yIchu'!" 'ej leQ chu'wI' Da. jach be' 'ej jabbI'ID van. QIpwI'!
moghchu' 'eSSIm 'ach pay' wuQbe'choH.
---
SKI: Essim calls Mahoun's ship, but the officer who answers just
stares and cuts off the call.
---
[121] Me: "bangwI', if a Klingon had a bad headache, what metaphor do
you think she'd use?"
Him: "I guess you don't know the Klingon for freight train, do you?"
Me: "Well, actually ..."
Apparently it's from a song.
[123] I've been avoiding using wa'leS to mean "the next day" because
that's not what it means, so how can I use all these fabulous time
delay words to describe time in storytelling? What do you think of
ngugh wa'leS?
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol